Paddock girls
Paddock girls, pitbabes u umbrella girls (en aragonés literalment as mesachas d'o paddock/pitlane u d'o parasol) ye un termin que se fa servir en as cursas de esportes de motor dende fa prous anyos ta referir-se a las mesachas que subchectan os parasols u batiaguas ta protecher-los d'o sol u d'a plevia. O "paddock" yera en o suyo orichen o puesto a on que se meteba a siella a os caballos y os participants feban un desfile antis de prencipiar a cursa. Hue o termin se fa servir en os esportes de motor ta referir-se a la formación d'os pilotos en a linia de meta en os momentos anteriors a que ista prencipie. D'atra man o "pit lane" ye un carril auxiliar en os cercuitos que sirve ta que os pilotos puedan dentrar a repostar benzina y cambear components.
Antis de prencipiar as cursas (por eixemplo en campionatos d'o mundo de Superbikes u MotoGP), os pilotos han d'asperar en a pista dica que toz os atros pilotos s'haigan situato en os suyos puestos. Amás, dica que s'haigan achustato bien as motos u autos y s'haiga meso o combustible, os pilotos han de permaneixer asperando en a pista. As altas temperaturas en pista, que gosan blincar d'os 40º en bels puestos, fan que l'aspera se faiga poco comoda. Ye por ixo que ta aprevenir a fatiga y as calorinas, os patrocinadors contratan a mesachas que s'encargan de subchectar un parasol a os pilotos.
Datos: Q112040
Multimedia: Female promotional models at automobile races / Q112040
