Gubierno Mazón
Gubierno Mazón Govern Mazón Gobierno Mazón | |
---|---|
Carlos Mazón Guixot, chefe d'o Gubierno Mazón. | |
Información d'o Gubierno | |
Establito | 19 de chulio de 2023 |
Reemplaza a | Segundo Gubierno Puig (2019-2023) |
Churisdicción | País Valenciano |
President | Carlos Mazón Guixot |
O Gubierno Mazón ye lo Gubierno Valenciano (ye decir, d'a Cheneralidat Valenciana) dende la suya formación o 19 de chulio de 2023, mientres a XI Lechislatura d'as Corz Valencianas, succedindo a lo Segundo Gubierno Puig. Ye presidiu por Carlos Mazón Guixot, d'o Partido Popular de la Comunidad Valenciana, y ye un gubierno monocolor dende la crisi de gubierno de chulio de 2024, cuan Vox decidió rematar con os pactos de gubierno suscritos globalment en toda Espanya entre dito partiu y lo Partido Popular.
Historia
editarDimpués d'as eleccions a Corz Valencianas de 28 de mayo de 2023, a composición d'a cambra fació imposible la continación d'o Segundo Gubierno Puig, gubierno de coalición formau por o Partit Socialista del País Valencià-PSOE (31 deputaus), Coalició Compromís(16) y Unides Podem (0), ubrindo-se asinas a puerta a un gubierno altenativo d'a dreita politica d'o Partido Popular de la Comunidad Valenciana (40) y Vox (13), amenistando-se lo voto de Vox en no haber obteniu lo Partido Popular a mayoría absoluta.
As negociacions entre los dos partius d'a dreita se completoron sin dificultaz y se sinyó un pacto de gubierno como consecuencia d'o cual as Corz Valencianas investioron o 13 de chulio president d'a Cheneralidat Valenciana a Carlos Mazón Guixot, d'o Partido Popular de la Comunidad Valenciana, con os votos favorables d'o suyo partiu y de Vox (53 votos favorables) y lo voto en contra d'os atros partius d'ezquierda politica, Partit Socialista del País Valencià-PSOE, Coalició Compromís y Unides Podem (47 votos en contra).
La formación d'o gubierno estió tamién rapeda, y lo 19 de chulio lo Diari Oficial de la Generalidat Valenciana publicó lo nombramiento d'os conselleros, que prenioron posesión ixe mesmo día en un acto celebrau en o palacio d'a Cheneralidat Valenciana.[1]
Crisi de gubierno
editarEn chulio de 2024, como consecuencia d'a suya oposición a l'alcuerdo entre lo Gubierno de Pedro Sánchez y las comunidaz autonomas ta la distrubución entre ellas de menors d'edat immigrants, Vox decidió trencar os suyos pactos de gubierno suscrits con o Partido Popular ta cuantos gubiernos autonomicos u municipals. Santiago Abascal, lo líder de Vox, anunció en a nueit de l'11 de chulio,[2] y immediatament lo president Mazón anunció lo cese d'o vicepresident Vicente Barrera Simó y d'os atros dos conselleros de Vox en o suyo gubierno, Elisa Núñez Sánchez y José Luis Aguirre Larrauri.[3] A lo día siguient, Mazón fació publica la suya remodelación d'o gubierno.
Estructura y composición
editar← Carlos Mazón Guixot (19 de chulio de 2023 - Actualidat) | |||
Partiu politico | |||
Partido Popular de la Comunidad Valenciana | |||
Vox (dica l'11 de chulio de 2024) | |||
Independient | |||
Cargo / Departamento | Titular | ||
---|---|---|---|
President | Carlos Mazón Guixot 13 de chulio de 2023-Actualidat |
||
Vicepresident | Vicente Barrera Simó 13 de chulio de 2023-11 de chulio de 2024 Cargo suprimiu l'11 de chulio de 2024 |
||
Vicepresidenta segunda | Susana Camarero Benítez 13 de chulio de 2023-Actualidad |
||
Portavoz d'o Gubierno | Ruth Merino Peña 13 de chulio de 2023-Actualidad |
||
Cultura y Esporte | Vicente Barrera Simó 13 de chulio de 2023-11 de chulio de 2024 |
||
Servicios Socials, Igualdat y Vivienda | Susana Camarero Benítez 13 de chulio de 2023-Actualidad |
||
Hicienda, Economía y Administración Publica | Ruth Merino Peña 13 de chulio de 2023-Actualidad |
||
Chusticia y Interior | Elisa Núñez Sánchez 13 de chulio de 2023-11 de chulio de 2024 |
||
Salomé Pradas Ten 12 de chulio de 2024-Actualidat |
|||
Sanidat | Marciano Gómez Gómez 13 de chulio de 2023-Actualidad |
||
Educación, Universidaz y Ocupación | José Antonio Rovira Jover 13 de chulio de 2023-Actualidad |
||
Agricultura, Ganadería y Pesca | José Luis Aguirre Larrauri 13 de chulio de 2023-11 de chulio de 2024 |
||
Miguel Barrachina Ros 11 de chulio de 2024-Actualidat |
|||
Medio Ambient, Augua, Infraestructuras y Territorio | Salomé Pradas Ten 13 de chulio de 2023-11 de chulio de 2024 |
||
Vicente Martínez Mus 11 de chulio de 2024-Actualidat |
|||
Innovación, Industria, Comercio y Turismo | Nuria Montes de Diego 13 de chulio de 2023-Actualidad |
Referencias
editar- ↑ (ca) El nou Consell pren possessió i es posa "automàticament a la disposició del poble valencià", en Europa Press, 19 de chulio de 2023.
- ↑ (es) Rosana Crespo: Vox rompe con el PP en la Generalitat, en Valencia Plaza, 11 de chulio de 2024.
- ↑ (es) Burguera: Vox rompe los pactos con el PP y Mazón gobernará en solitario, en Las Provincias, 11 de chulio de 2024.
Lerma I (1983-1987) | Lerma II (1987-1991) | Lerma III (1991-1995) | Zaplana I (1995-1999) | Zaplana II (1999-2002) | Olivas (2002-2003) | Camps I (2003-2007) | Camps II (2007-2011) | Camps III (2011) | Fabra (2011-2015) | Puig I (2015-2019) | Puig II (2019-2023) | Mazón (dende 2023) |