Diferencia entre revisiones de «Tractau de Versailles»

Manimenos, en os zaguers intes d'a [[Primera Guerra Mundial]], o [[Imperio alemán]] yera a o limite d'as suyas posibilidaz melitars. O país yera acotolato dimpués de zinco añadas de guerra, encara que os melitars aplicoron a zensura ta pribar que a situazión melitar fuese conoxita en a retaguardia, encluyendo-ie o propio Gubierno zebilcivil. O [[Exerzito alemán]] ocupaba en ixas calendatas muitos territorios en [[Europa]], encluyendo partes de [[Francia]] y a más gran parte de [[Belchica]], pero as tropas d'o [[Exerzito d'os Estatos Unitos]] ya yeran una fuerza melitar important y en aumento en o [[Frent Ozidental (Primera Guerra Mundial)|Frent Ozidental]].

O [[27 de setiembre]] de [[1918]] o Alto mando alemán, formato por [[Paul von Hindenburg]] y [[Erich Ludendorff]], pidió a o suyo Gubierno negoziar un [[armistizio]] inmediato con os [[Aliatos (Primera Guerra Mundial)|Aliatos]], basato en as propuestas d'o [[president d'os Estatos Unitos]] [[Woodrow Wilson]], os clamatos ''[[Catorze puntos de Wilson|14 puntos]]''. Asinas, o Gubierno alemán conoxió por primera bez que a guerra yera perdita, pero no pas encara a poblazión zebilcivil, y fue obligato a ubrir contautos ta la rendizión d'o país.

Con os primers contactos entre os belicherants, os Aliatos desichioron a modificazión d'a estrutura interna d'o rechimen politico alemán ta fer-lo [[Democrazia|democratico]] y fer asinas más difízil una nueba guerra, pero os dirichents melitars, con Ludendorf a o frent, s'oponioron temendo perder os suyos prebilechios, y a más Ludendorf dimitió d'o suyo cargo, afirmando publicament que Alemanya yera ganando a guerra pero que a traiduría d'os zebilscivils imposibilitaba a bitoria final, en pribando a o pueblo alemán d'a recompensa d'as suyas penurias mientres a guerra. Naxeba asinas a falordia d'a ''[[puñalada por a espalda]]'', uno d'os elementos mitolochicos en o futuro d'o [[nazismo]].

A insistenzia de [[Francia]] en o ''[[rebanchismo]]'' contra [[Alemanya]] fazió que as reunions d'as negoziazions d'o Tractato de Versailles se fesen en o [[castiello de Versailles]], en o mismo [[salón d'os Mirallos]] an que se proclamó en [[1871]] o [[Imperio alemán]] dimpués d'a redota de [[Francia]] en a [[Guerra Franco-prusiana]]. Francia eba perdito en a guerra muitas bidas, y temeba a posibilidat de recuperazión d'Alemanya, por o que insistió en l'aprebazión de [[reparazions de guerra]], a pagar por os alemans. A más, os franzeses ocuporon parte d'o territorio alemán, dica o [[río Rin]] (a [[Renania]]), y bels territorios en a marguin dreita d'o río. Antiparte, os Aliatos feban pender dencima d'o Gubierno alemán l'amenaza de tornar a la luita, imbadindo encara más territorios alemans, quan as esfensas melitars d'a nueba Alemanya yeran minimas y, a más, o nuebo Gubierno afrontaba luitas internas por a esplosión en o país d'a problematica sozial que a guerra eba enmascarato y por a nula fidelidat d'os altos cargos de l'antigo rechimen politico monarquico, zebilscivils u meitars, ta o nuebo Gubierno.