Diferencia entre revisiones de «Khanato Chagatai»

O '''Canato de Chagatai''' ocupaba a cuenca d'a [[Mar d'Aral]], con [[Transoxiana]] e parte d'o norte d'[[Afganistán]], as estepas a lo norte d'o Tien Xan, a cuenca d'o [[laco Balkhax]], e a Cuenca de [[Cuenca de Tarim|Tarim]]. Amanixió como entidat a la muerte de [[Chinguis Can]] por l'adchudicazión d'o antigo canato d'os [[Cara Quitai]] a lo suyo fillo [[Chagatai]]. Se dividió en [[Transoxiana]] e [[Mongolistán]]. A dinastía Chatagai desaparixió en Transoxiana cuanquan [[Tamerlán]] prenió poder fundando a dinastía Timurida. Tamerlán no podió conquerir Mongolistán e la dinastía Chagatai i gobernó dica que os oiratos conquirioron [[Caxgaria]].

O Canato Chagatai se puet considerar independient, como os atros canatos mongols posteriors a la muerte de Chinghis Can, cuanquan fue nombrato "Grant Can" [[Cublai Can]]. Se considera o Canato mongol menos poderoso d'o sieglo XIII, e yera muito binculato a lo nomadismo en as estepas d'o norte d'o [[Tien Xan]]. Os Chagatais perdioron muitos recursos en o intento de conquerir a India entre 1297 e 1327. Transoxiana yera controlata por emirs turqueses e se deseparó en 1334 d'o nuclio d'o Canato, conoxito como Mongolistán, que no yera tan islamizato. Un can combertito a lo islam, [[Tughlik Timur]] (1347-1363), consiguió unificar o canato de nuevo achutando Transoxiana e Mongolistán, pero os abitants de Transoxiana yeran en cuentra d'os abitants de Mongolistán por no estar musulmans.

Os chagatai teneban como luenga escrita o dito "[[turqués chagatai]]", relazionato con o uigur antigo. Rezibe esta denominazión de ''chatagai'' encara que dito turqués chagatai esistiba enantes d'os chagatai e lo suyo orichen estió cuanquan arredol de l'anyo 1000 cuanquan muitos turqueses de Transoxiana e Caxgar s'islamizoron e se creyó una nueba luenga literaria escrita en alfabeto arabe e con contenitos musulmans. Dica fins d'o sieglo XVI estió a gran luenga literaria turquesa e a luenga que prenioron muitos abitants d'Asia Zentral en a Edat Meya, e que güei ye representata por o diasistema usbeco-uigur, con dos standards, o [[idioma usbeco|usbeco]] e l'[[idioma uigur|uigur]].