Diferencia entre revisiones de «Zapo»
Contenido eliminado Contenido añadido
m Robot: Reemplazo automático de texto (- á + a ) |
Sin resumen de edición |
||
Linia 3:
'''Zapo''' ('''''Sap''''' en [[benasqués]]) ye una denominazión popular ta cualques [[espezie]]s d'[[anfibio]]s en a [[orden (biolochía)|orden]] ''[[Anura]]'' que tienen a [[piel]] [[berruca|berrucosa]], abitos más terrestres y en tierra s'esplazan caminando per cuentas de fer brincos como en altras espezies, sin d'estar una denominazión que tienga garra balideza a nibel de tacsonomía [[zoolochía|zoolochica]]. As [[pata]]s zagueras las i tienen más curtas y robustas que no las ditas «[[rana]]s», per el que tienen menos capazidat saltadera (anque pueden fer brincos de poca lonchitut en comparanza con aquéllas), e no gosan nadar tan rapedos.
Os zapos son animals de normal noturnos, terrestres, que deambulan por tierra cazando chicoz imbertebratos que atrapan arrullando-les a [[Luenga (anatomía)|luenga]] (que ye pegosa) en proyectando-la ta debant a grant belozidat. Son más independients de l'augua que no as ranas, podendo-se-ne alueñar dica cualques quilometros, y no i acuden si que ta reproduzir-se, pos como toz os anuros tienen fecundazión esterna y prezisan de ficar os buebos en l'augua. Os masclos de muitas espezies [[ranueco|ranucan]] ta atrayer-se as fembras.
Os zapos tienen fama d'estar animals pandos (ixo ye, poco áchils), pos a la contra que como fan as ranas, confían a suya protezión en o [[mimetismo]] (solen tener a piel de color pareixita a la tierra por a on se mueben) y si bel depredador es descubre, transpiran sostanzias putideras a trabiés d'a piel, debant d'as que os animals de tacsia olfatiba predominant (p. ex. a mayoría d'os [[carnivora|mamiferos carniboros]]) se sienten repelidos, sostanzias que a sobén tamién contienen components irritadors u de mala sabor ta causar memorias a l'animal que es mosigue. En l'[[Alto Aragón]], a fama de pandos d'estes animals se plasma en a expresión «''fer o brinco'l zapo''» que s'aplica en as cosas que se piensan muito d'antes de fer-las perque no se tienen mica seguras.
| |||