Diferencia entre revisiones de «Pelletería»

A '''pelletería''' ye la [[industria]] que s'adedica áa la elaborazión d'indumentarias áa partir d'as [[piel]]s e [[cuer]]s d'animals. Se trata d'una d'as tecnolochías más antigas que sen conoix, posiblemente prauticada dende a [[preistoria]], e tamién posiblemente a forma más antiga d'elaborazión de bestuaches.

Mientres que o cuer, espezialmente o que s'estrai d'o [[bestiar]] ye en l'atualidat un articlo muit emplegato en a bestimenta occidental, a popularidat d'as prendas de piel ha sufierto una mingua importante en os zaguers años. A cuenta tan fina que requiere tan en a suya confezión como en l'uso que se'n fa d'as prendas son feitos que se considerás tradizionalmente un articlo de luxo. Cualques prendas, como las que son feitas d'[[Mustela erminea|erminio]]s, son estadas simbolicas d'o bestuache reyal de belas culturas. O [[ecolochismo|mobimiento ecolochista]] ha gosato luitar contra l'emplego de piels, afirmando que ye una pratica crudel e inumana, e que la cazata indescriminata per as [[piel]]s e las [[pluma]]s ye portiatas numerosas espezies enta amanar-se áa la estinzión, d'entre ellas cualques [[felidae|felins]], [[foca]]s e numerosos [[Mustelidae|mustelidos]].

En l'[[Alto Aragón]], a presona que s'adedica profesionalmente áa la pelletería se i diz '''pelleter/o''', anque per o poco costumbre de fer luzir piels de salbachinas a presenzia d'esta industria en as comarcas [[Perineu|perinencas]] d'[[Aragón]] se yera tradizionalmente asoziata con a figura d'os compradors d'ixes materials més que no con os artesanos que n'elaboraban as prendas, estando cuasi siempre compradors foranos (d'a «Tierra Plana» u [[Francia]]) que les ne compraban áa os pobladors ta liebar-se-las dimpués ta os suyos lugars de prozedenzia. A cazata d'espezies silbestres ta bender-ne os pellizos (piels que encara no son treballatas) eba estata un complemento economico ta os pobladors d'as comarcas montañesas, abendo-se feito per muitas chenerazions e siempre áa escala muit reduzita e pormenorizata, sin que b'haigan esistito nunca cazataires espezializatos como sí que eba pasato en altros puestos d'o mundo.

En as montañas de [[provincia de Uesca|Uesca]], o prozedimiento més común yera de cazar os animals (en muitos causos, [[espezie]]s perchudicials ta l'[[agricultura]], [[ganadería]] u l'[[apicultura]]) con trampas ([[chuelo]]s, [[lazo (caza)|lazo]]s e [[zepo]]s), matando-se-ie siempre animals áa nibel indibidual, espellizando-los dimpuesas en a casa e aprobeitando-ne áa sobén tamién a carne ta consumo familiar. As piels s'ixecaban en a [[falsa]] e s'acumulaban dica las [[feria ganadera|ferias de bestiar]] u altros acontezimientos en os que os pelleters (comerzidantes) se i deixaban beyer, comportiando ansinas un tanso complemento economico ta l'abitante d'os lugars perinencos.

En altras comarcas d'[[Aragón]] que no teneban tantas espezies cazables de piel fina, como pasaba en a [[bal de l'Ebro|balle de l'Ebro]], b'esistiba l'ofizio de '''pellizer/o''' u '''pellizoner/o''', que diz que yera lo qui compraba os [[pellizo]]s d'animals domesticos de consumo ([[betiello]]s, [[craba]]s, etz.) pasando per as casas. A destinazión d'ixes pellizos, áa la contra que en as espezies salbaches, yera sobre tot a fabricazión de [[cuer]].