|
[[Imachen:Fontanal, Frontera prenzipal (1).JPG|thumb|200px|right|Frontera prezipal d'a casa de [[Fontanal]], en o municipio d'[[A Buerda]]. Ye un eixemplo casico de '''pardina''' altaragonesa.]]
Una '''pardina''' (también dita "'''mas'''" localment en a [[Ribagorza]], ''mas'' u ''masia'' en [[idioma catalán|catalán]]) ye una casa rural anisolada, luén d'altras poblazions, que pued aber arrepostato altras edificazions [[agricultura|agricolas]] u [[ganadería|remateras]] áa ro suyo rolde.
En l'antigo rechimen d'as poblazions de [[labrador]]s y [[pastor]]s, d'as cualas en yera tipica ra dispersión poblazional, as pardinas estaban separadas d'es [[lugar]]s y altras poblazions per no pocas begadas bels [[kilometro]]s, trobiatas áa ro meyo d'as suyas fincas propias, constituyiban per a suya ubicazión o zentro de l'economía familiar d'es suyos pobladors.
Gosan áa estar casas grans, siñorials como ye supuesto t'es [[amo]]s d'un repliego de fincas prou gran como ta mantenir-la, fetas d'es materials que podeban estar miratos en a redolada. Asinas, per eixemplo, en es territorios [[Perineus|perinencos]] e montañosos en cheneral s'eba feto ir de siempre ra piedra, pero en es puestos on iste material no yera guaire abundant, as parez fetas de [[toba]] y [[ladriello]]s d'[[archila]] cozita ya feban áa bien. Como en totas as edificazions grans e antigas, es primers metros dend'es [[alazet|alazez]] ent'a primera planta yeran fetos de buena piedra ta que continés estruturalment estable con as añadas, con una grosura no pocas begadas superior ta 1m. Es [[mampuesto]]s podeban estar entablitatos con [[adoba]], [[archila]] u no pocas begadas sin de garra material de cohesión, anque més tardanament han estau ziementatos con [[calz]] u [[zemento]].
[[Imachen:Masia.jpg|thumb|left|250px|Una '''pardina''' catalana u ''Masía''.]]
Tipicament constan de dos plantas, la inferior emplegada t'as fainas d'espleitazión [[agricultura|agricolas]] u [[ganadería|remateras]] (cheneralment contién as [[cuadra]]s, [[zolle]]s e [[bodega]]s) e una superior dedicada ta bibienda. Ista destribuzión no ye guaire estricta y pued estar puesta de maniera diferent pendendo d'a pardina que siga construyita, e perque con es años, mutas casas tendiban áa separar as cambras d'es animals d'as cualas eban d'abitar as personas, separant-las encluso de l'edifizio prenzipal en construir zolles u cuadras externas.
Ista mena d'edificazions son actualment de fumo baixo en [[Aragón]], per a suya escasa rentabilidat y adaptazión ent'o mundo moderno, anque áa bels puestos, se ye apostando per a suya recombersión ta ro [[turismo rural]]. También se troban edificazions semilars en altras rechions d'[[Espanya]], encara que ras que mé resiemblan ent'as unas aragonesas, arquiteutonica y funczionalment, son as clamadas ''Masías'' [[cataluña|catalanas]].
===Toponimia con "pardina"===
Uns esplican a [[etimolochía]] de ''pardina'' a partir d'o [[latín]] ''parietinae'' e atros áa partir d'o latín ''pratina''; encara atros como un deminutibo d'o latín ''praedia''<ref>{{es}} ''Historia de Aragón'', dirichita por [[Eloy Fernández Vlemente]], ''La Esfera de los Libros'', [[Madrit]], [[2008]], ISBN 978-84-9734-722-8, pachina 179.</ref> como una chicota esplotazión agricola. En testos latins con elementos [[romanze]]s probiniens d'[[Aragón]] ya se documenta, por eixemplo en un testo de [[948]]. Los autors que han replegato esta parabra en testos u [[parla (lingüistica)|parla]]s locals en dan sennificatos diferens: Borau, Pardo e Savall y Penén creyen que sennifica "despoblato", en os documentos de [[Chaca]] aparix como "mont con bibiendas rusticas", Oelschläger diz que ye "casa de campo", Nortes "propiedat de terreno rural que se clama asinas por la casa que la preside", [[Joan Coromines i Vigneaux|Coromines]] la troba como "enrunas d'un edifizio" en [[Pallarés|Pallars]] e [[Bal d'Arán]].
Per estar as antigas pardinas puestos d'aposada umana dende tiempos antigos, eban feto áa sabelas begadas de ''pioneras'' en a [[colonizazión]] de tierras. Belas begadas cuan una pardina yera ya establita y os ''[[amo]]s'' d'a casa amortaban, seguntes a tradizión [[Alto Aragón|altaragonesa]], as suyas posesions yeran trespasatas t'o suyo ''unico'' [[ereu]] (u ''[[pubilla]]'' cuan estaba una muller). Estioren bien pocas as begadas que ras propiedaz familiars yeran trestalladas d'entre més d'un fillo, y en o caso d'as pardinas, per estar anisoladas en es montes, l'enchaque podeba sinnificar l'afundamiento d'una nueba casa que eba d'espleitar futurament as mesmas fincas que eban estato d'a casa ''matriu''. D'ixa traza, áa sobén aintro d'istas situazions, s'emprenzipaba t'alzar altras casas en a redolada d'a primera, fendo puesto asinas ta que l'asentamiento se combertieba en un [[lugar]] propiament dito. Posiblement per ixa ragón, bels lugars d'[[Aragón]] contemplan a parola ''pardina'' en o nombre suyo.
[[Imachen:Terzena pardina en o camín ent'A Buerda(1).JPG|thumb|right|300px|Como mutas antigas pardinas d'[[Aragón]], ixa no teneba altra forma de recordar-mos d'a suya existenzia que fendo florir es biellos y abandonatos frutiers cada primabera. "''Chents emigradas y camins embarzaus ¿qué més podeba fer?''".]]
|
