Diferencia entre revisiones de «Milorcha»

A '''milorcha''' ye un artefacto bolador, emplegato per un regular como [[chuguet]] infantil, que consiste en un tarabidato sobre o cual s'estendilla un material lichero como [[papel]], [[tela]] u [[plastico]]. O tarabidato s'achunta áa un u más d'un filos largos que o guiador afloxa abonico ta fer-la bolar. En l'inte que l'aire exerze presión sobre a suya superfizie, la ba puyando e mobendo e ye faina d'o piloto guiar-la e pribar de que caiga. Como elemento decoratibo, ye costumbre d'añadir-li betas u trozos de papel que fan de coda d'a milorcha e s'esbolligan con a fuerza de l'aire. [[Imachen:Kitesflying.jpg|right|thumb|300 px|Milorchas áa l'aire]]

As milorchas naxioron en l'antiga [[China]]. Se sape que ta las embueltas de l'año [[1200 aC]]. se feban serbir como dispositibo de siñalizazión melitar. Os mobimientos e as colors d'as milorchas costituyiban mensaches que se comunicaban en a distanzia entre estacamentos melitars. En o [[sieglo XII]], en [[Europa]], os chiquez ya chugaban con milorchas áa las que añadiban betas ta fer-las sonar. Ye tamién d'estacar a onra feita per as milorchas como equipos de medizión atmosferica. O imbentor [[Benjamin Franklin]] emplegó una milorcha ta imbestigar os rayos e imbentar o [[pararrayos]].

'''Milorcha''' ye tamién o nombre d'una interpresa aragonesa espezializata en esportes d'abentura áa l'aire libre, con seu en [[Benás]], [[Balbastro]], [[Rodellar]] e [[Alquezra]].