A '''Gara d'o Portiello''' (ofizialment '''''Zaragoza-Portillo''''') ye una [[gara]] situata en la ziudat [[Aragón|aragonesa]] de [[Zaragoza]]. En os suyos orichens [[Compañía d'os Ferrocarrils de Madrit áa Zaragoza e Alicant|MZA]] se clamó '''Gara d'o Campo Sepulcro''', e mientres d'a epoca [[RENFE]] pre-[[AVE]] '''Gara de Zaragoza-O Portiello''' ('''''Zaragoza-El Portillo''''' ofizialment).
Estió construyita en [[1864]] por a [[Compañía d'os Ferrocarrils de Madrit áa Zaragoza e Alicant]] (''MZA'') d'o [[Marqués de Salamanca]]. A construzión d'o [[Puent de l'Almozara]] premitió a suya coneusión con a marguin cucha de l'[[Ebro]] e a [[Gara d'o Norte (Zaragoza)|Gara d'o Norte]], rota ubierta en [[1870]], lo que posibilitó coneutar áa trabiés de Zaragoza as linias Madrit-Barcelona e Barcelona-Altsasu.
[[Imachen:Estación de Campo Sepulcro (Zaragoza).jpg|thumb|left|250px|Antiga gara d'o Campo Sepulcro]]
En [[1967]], dimpués d'o zierre d'as antigas garas de Cariñena, Utriellas e Caminreal, estió enamplata e pasó áa estar a prenzipal gara d'a ziudat, puesto que conserbó dica que en [[2003]] fue sustituyita por a nueba e mayor [[Gara de Zaragoza-Delizias|Gara Intermodal de Zaragoza-Delizias]]. En [[2008]], en terrenos de l'antigua gara s'inauguró una nueba gara de ''[[trens de redolada]]'' pertenexient áa la linia de [[Renfe Operadora]] [[Cercanías Zaragoza]]. A gara también contina emplegando-se ta l'ature de trens [[rechional]]s.
Os procheutos municipals ta l'aria de l'antiga gara d'a soziedat [[Zaragoza Alta Velocidad]], con prespectibas áa 2015, encluyen un parque en o zentro d'a ziudat que tendrá la "La Mediateca" de Milla Digital, un [[Caixafórum]] una gran torre de ofizinas, un intercambeyador de tresportes, equipamientos e bibiendas.
