Diferencia entre revisiones de «Corylus avellana»

En llega d'alto ta's 8 [[metro]]s, anque en condizions pardiculars en hai conoixitos que n'han llegato ta's 15. A [[madera]] ye dura, flesible e resistent, e nantes se feba marchar áa saber-lo ta fer-ne [[astil]]s t'as [[ferramienta]]s de labor, [[barana]]s e [[tranca]] t'as [[puerta]]s. As [[fuella]]s redondadas, d'entre 6 e 12 cm de lonchitut e d'amplura e con d'os cantos asarratos, son tobas e s'emplegan de pastura ta'l [[bestiar]] (con buena gana que les posan áa las [[güella]]s e las [[craba]]s) en os lugars áa on que l'árbol ye abundant.

As [[flor]]s amanixen antes que no las fuellas, de buens comienzos en a [[primabera]], son [[monoico|monoicas]] e con d'os [[amento]]s esferenziatos por o secso: Os [[masclo|masculinos]] de color amariella palida e d'us 5-10 cm de luengos, os [[fembra|femeninos]] muit chicots e de poco no s'amagan de raso áa dentro la capaza, nomás que les n'amanixen os [[estilo (botanica)|estilos]] por alto, de numer de 1 áa 3. O [[fruito]] suyo ye l'[[abellana]], que madura 6 u 8 meses dimpués d'a florada, en grupos de 3 u 5 abellanas, cadaguna con d'una capaza (pela) pardicular de fuellas modificadas que les ne tapa las 3 cuatreras partes.

A produzión d'abellanas en [[Espanya]] s'aconzentra más que más en a [[provincia de Tarragona]], áa on que tradizionalment s'eban trobato os numers más grans d'etarias de regano plantadas de las ditas. A localidat tarragonense de [[Reus]] se considera lo más important mercato d'iste produto en o mundo, anque la importazión d'[[Corylus colurna|abellanas de Turquía]], más baratas, l'ha meso en buens apuros en as zagueras decadas. A produzión d'as abellaneras d'[[Asturias]] la sigue n'importanzia, con un 4 % d'a produzión estatal<ref><small>Entrada "Avellano", Nueva Enciclopedia Larousse, TOMO II, p. 870. Ed. Planeta; ISBN 84-320-4260-5</small></ref>. Espanya, que por regular yera o terzer país en produzión d'abellanas dimpués de [[Turquía]] e [[Italia]], s'ha bido superato por [[Estatos Unitos]] en os años 90<ref><small>[http://www.infoagro.com/frutas/frutos_secos/avellana.htm Sobre o caultibo de l'abellana en Infoagro.com] referents áa l'añada d'o [[2001]], Apto. "Importancia Económica y Distribución Geográfica", consultato o [[9 de chinero]] de [[2008]].</small></ref>.