Diferencia entre revisiones de «Chinchipera»

'''Chinchipera''', '''chinchipela''' u '''chincharana''' son bariants d'o nombre chenerico que s'emplegan cadaguna en diferents puestos de l'[[Alto Aragón]] ta dezir-ne de tot un faixo d'[[espezie]]s de [[muixón|muixons]] (paseriformes) con carateristicas alto u baixo semilars, anque no nezesariament tienen relazions filocheneticas d'entre elas. Per l'usual, se i diz chinchipera áa cualsiquier muixón de mida chicota (á redol d'os 15 cm de lonchitut), que buele distanzias curtas batendo rapedo las alas e deixando de bater-las áa interbalos, que per tierra se i desplaze fendo saltez, e cuan se posa en un palo u puesto en alto bata la [[coda]] periodicament. Solen estar espezies [[omniborismo|omniboras]] anque en a suya dieta i predominen os [[insecta|inseutos]], más que no en altros tipos de muixons.

Os tres termins tienen probablement una radiz [[onomatopeya|onomatopeyica]] en a canta que ye pareixita en as diferents espezies d'estes animals, que se siente muto áa sobén per o mont: un biaz de «''chin-chin paa''», ixo ye, una secuenzia de dos notas agutas e breus, de timbre metalico, seguitas per una más ubierta e perlongata.