Diferencia entre revisiones de «Vueito (fisica)»

Se diz '''bueito''' áa l'ausenzia d'aire, atros fluidos y en cheneral de cualsiquier clase de [[materia]]. En [[fesica]] se define como l'ausenzia de materia en un bolumen determinato de l'espazio.

En la prautica esta condizión ye imposible de conseguir de tot. Tanto en la [[incheniería]] pa la costruzión de maquinas, como en labotatorios pa fer un esperimento, lo bueito absoluto no se puet conseguir e alabez se diz '''bueito parzial'''. En este bueito parzial las pocas moleculas que i quedan fan una presión sobre las paretes de lo bolumen que las comprene. Ye por ixo que este bueito parzial s'espresa en unidaz de presión e áa sobén se compara con la [[presión atmosferica]] normal (la [[presión]] que exerze l'[[atmosfera]] áa ran de mar). La presión ye, doncas, una traza de mesurar en que grau s'ha conseguito creyar lo bueito en un bolumen. La unidat de presión en lo [[Sistema Internazional de mesuras]] ye lo [[Pascal (unidat)|Pascal]] (Pa). Tamién s'espresa en atras unidaz como lo [[Torr]] u milimetros de mercurio (mmHg) emplegando la escala barometrica, u tamién como porzentaches de la presión atmosferica en [[bar]]s u atm (atmosferas).

Tamién se puet fer un uso d'una bomba d'aire pa estrayer l'aire dentro una cambra de bueito. A mesura que se ba estrayendo l'aire quedan menos moleculas que espenten contra las paretes de la cambra, con lo que se reduze la presión de lo suyo interior. D'esta traza se puet conseguir un buen bueito, pero áa causa de las fuyitas, efectos d'esbaporazión e sublimazión en las paretes de la cambra e los atros elementos este nunca no será perfecto.

Si clasicament ye difizil obtener un bueito perfecto áa causa de las fuyitas, efectos d'ebaporazión e sublimazión, la [[mecanica quantica]] establexe que las paretes que delimitan lo bueito irradian fotons como consecuenzia de la [[radiazión]] de [[cuerpo negro]].