Diferencia entre revisiones de «Aphididae»

Os '''afididos''' u '''afidos''' (en nomenclatura zentifica en [[Idioma latín|latín]] '''''Aphididae''''' u '''''Aphidae''''') son una [[familia (biolochía)|familia]] d'[[insecto]]s [[hemiptera|hemipteros]] ectoparasitos de [[planta]]s, con un numer encara indeterminato d'[[espezie]]s encabitas en cuatorze sozfamilias. En [[Idioma aragonés|aragonés]], gosa clamar-sen '''polecón''' u '''polegón''' en conchunto áa la poblazión d'estes en ixambre que ye como se's sole trobar en una planta. O indibiduo se designa como «cuca de polecón/gón».

As cucas d'o polecón gosan fer una mida muit chicota, d'1 u 2 mm, con colors dibersas. Be n'ha de [[gris|grisas]], [[negro|negras]], [[berde]]s u dica [[amariello|amariellas]]. O cuerpo el tienen simple, oboidal, sin que se i pueda deseparar a [[capeza]], [[tórax]] u [[abdomen]]. Cualques espezies de plantas impiden que se i meta lo polecón fendo néctar de bels nectarios estraflorals, con a intenzión de probeyer áa las [[forniga]]s con él e que ellas les en guarden limpias. Altras espezies de polecón, en cambio, fan un produeito dulz per l'abdomen que b'atrai as fornigas e son os [[hymenoptera|himenopteros]] los quins les guardan d'os depredadors. Be ha depredadors espezializatos en o consumo de polecón, como as [[coccinellidae|cuquetas de dios]] u as [[Chrysopidae|crisopas]].