Diferencia entre revisiones de «Seu de Sant Pero de Chaca»

A '''Seu de Sant Per de [[Chaca]]''', n'a comarca [[Aragón|aragonesa]] d'a [[Chazetania]], ye una d'as construccions més antigas e representativas de l'[[arte romanico]] d'Aragón e de tot lo sudueste [[Europa|europeu]]. Empecipió á construyir-se cuasi á lo mesmo tiempo que a [[seu de Santiago de Compostela]], n'en o zaguer quartal d'o [[sieglo XI|sieclo XI]], como [[seu bispal]] e capeza d'o [[Reino d'Aragón]], per iniciativa d'o rei [[Sancho Remíriz]], que eba obtenito lo vasallache vaticán dimpués d'o viache suyo ta [[Roma]] en [[1068]]. En pagas, li atorgoron a [[seu bispal]] ta [[Chaca]], ta part d'alavez capital d'o reino.

N'o decenio d'os 20 d'o [[sieglo XVI|sieclo XVI]], se i adibe belas anyadiencias, como las vueltas d'as naus laterals, d'o gotico tardán, e las portalatas d'as nuevas capiellas de [[San Sabastián (mártir)|Sant Sabastián]], [[Sant Agostín]], Anunciación e Santa Ana. En zaguerías, ya n'en o Renaiximiento, se i adibe las capiellas de [[Sant Miguel]] e d'a Trinidat, de [[1572]]. En [[1598]] se fa la vuelta d'a nau central e en ella se i ubre finestrals.

N'a frontera d'a seu se i troba l'[[atrio]] e la [[portalata]], l'arco de radio més gran d'a cuala, semicircular, enlaza con a nau central, de [[vuelta de canyón]], d'o interior d'o temple. N'a paret zaguera d'a seu i trobamos un altro porche con [[arco de meyo punto]] e [[timpán]] modificato n'en o [[Renaiximiento]]. N'o tocant á las [[abside]]s, d'o romanico se'n conserva so co que la que da cara t'o sur, ya que a central e a d'o norte se reficioron, como debandito ye, n'en o [[sieglo XVIII]].