Diferencia entre revisiones de «Luengas na-dene»

[[Imachen:Na-Dene langs.png|thumb|right|210px|Destribuzión de d'as luengas na-dene <small>(en royo)</small>]]As luengas '''na-dene''' u '''na-dené''' son una de d'as [[familias lingüisticas]] d'os [[pueblos natibos d'America]], que abraca las [[luengas atapascas]], l'[[luenga eyak|eyak]] e o [[luenga tlingit|tlingit]], charratas en chunto per bellas 200.000 personas.

Seguntes a controbertita clasificazión lingüistica de [[Joseph Greenberg]], a familia ye un d'os tres grupos prenzipals d'idiomas d'os natibos americanos, e representa una migrazión destintiba d'Asia enta America. Os altros dos son as [[luengas esquimo-aleutianas]], fablatas en Alaska e l'Artico canadense, e as [[luengas amerindias]], una de d'as clasificazions de Greenberg más descutitas, que abraca totas as luengas d'os natibos americanos que no son na-dene u esquimo-aleutianas. D'entre os que actualmén refirman a teyoría de Greenberg sobre a migrazión na-dene, bi ye o lingüista [[Merrit Ruhlen]], ta qui a migrazión abría ocurrito fa uns seis u güeito mil años, alto u baxo cuatre mil años dimpués d'o poblamiento inizial de d'as Americas per parti d'os amerindios. Seguntes Ruhlen, abrían arribato en barcas, establexendo-sen en primeras zerca de d'as [[Islas d'a Reina Carlota]], güei en a [[Columbia Britanica]], [[Canadá]].