Diferencia entre revisiones de «Batalla de Stalingrado»

A luita en a ziudat prenzipió luego de que [[Adolf Hitler|Hitler]] prenió a dezisión de conquerir a ziudat de [[Stalingrado]], que portaba o nombre de [[Stalin]], o líder d'a [[Unión Sobietica]]. Ta lograr iste obchetibo, bi nimbió as prenzipals fuerzas que, seguntes o ''[[Fall Blau]]'', teneban que abanzar dica o [[Caucaso]] ta conquerir os pozos [[Petrolio|petroliferos]] d'a redolada, que yeran a prenzipal fuent de suministro d'iste combustible estratechico ta o [[Exerzito Royo]]. Prenzipió asinas una luenga serie de luitas en o corazón d'a ziudat, luitas que desgastoron o potenzial melitar d'a ''[[Wehrmacht]]'', que aberba estato millor emplegato en os territorios ubiertos d'a Unión Sobietica. En istas luitas as tropas alemanas no logroron a conquiesta total d'a ziudat, y dende nobiembre de 1942 una contraofensiba d'o [[Exerzito Royo]] cuentra as alas d'o dispositibo alemán, confiatas á os exerzitos [[Rumanía|rumán]] y [[Hongría|ongaro]], con muit poca capazidat esfensiba, redotoron a istas tropas y zercloron á o [[6º Exerzito (Alemanya)|6º Exerzito]] alemán. Os alemans zerclatos, manatos por [[Friedrich Paulus]], se rindioron á os sobieticos o [[2 de febrero]] de [[1943]], rematando asinas a batalla con una clara bitoria sobietica, encara que tropas ''[[panzer]]'' manatas por [[Erich von Manstein]] tentaron de rescatar á las tropas zerclatas. Antiparte, en as operazions de suministro d'as tropas zerclatas, a ''[[Luftwaffe (Wehrmach)|Luftwaffe]]'', a fuerza aeria d'o [[Terzer Reich]], manata por [[Wolfram von Richthofen]], tamién tenió perdugas considerables de material y de pilotos esperimentatos.

 

{{commonscat|Battle of Stalingrad|a batalla de Stalingrado}}