Diferencia entre revisiones de «Frent Popular (Espanya)»

:''Iste articlo ye sobre una coalizión electoral en 1936 d'os partitos de cucha españols ta las elezions mientrasmientres d'a Segunda Republica; ta atros usos, se beiga '''[[Frent Popular]]'''''.

O '''Frent Popular''' (''Frente Popular'' en [[Idioma castellán|castellán]]) estió o nombre d'una [[coalizión electoral]] d'os partitos de cuchas (y mesmo republicans de zentro, como [[Unión Republicana]]) mientrasmientres d'a [[Segunda Republica Española]] ta las [[Elezions chenerals d'España de 1936]], o [[16 de febrero]] de [[1936]]. D'ista coalizión, liderata por [[Manuel Azaña]], feban parte:

O suyo programa electoral yera un programa moderato de tipo reformista, ta continar con o prozeso de reformas que li calía en ixas embueltas á la soziedat española y que s'eba paralizato mientrasmientres d'o dito ''[[Bienio Negro]]'' con o Gubierno de dreitas. Antiparte, rezibió l'aduya d'os [[Anarquismo|anarquistas]] ta lograr a libertat d'os engarcholatos por os feitos d'a [[Reboluzión de 1934]]. En a suya chenesis tenió importanzia a esistenzia prebia d'o [[Frent Popular (Franzia)|Frent Popular]] en [[Franzia]], y o feito de que gubiernos de tipo [[Faxismo|faxista]] dominasen por a fuerza en puestos como [[Italia]], con [[Benito Mussolini]], u l'antiga [[Republica de Weimar]], que ya [[Adolf Hitler]] eba feito esdebenir o [[Terzer Reich]]. Tamién as dreitas formoron una amplia coalizión electoral, dita ''Frent Nazional'', á on yeran representatos dende a dreita moderata dica simpatizants d'o faxismo español con o [[Partido Nacionalista Español]].