L'Arba de Biel naxe en a bersán sursud d'a sierra de Santo Domingo. Fluye ent'o sursud por una bal engalzato dica [[Luna (Zaragoza)|Luna]] á on s'ubre cuan dentra en a planeta d'as [[Zinco Billas]]. En [[Erla]] cambea de direzión enta l'ueste, rodiando por o sursud o casco urbán d'a billa de [[Exeya d'os Caballers]], dica que, poco més adebán, s'une con l'Arba de Luesia. Á ra suya begata, l'Arba de Luesia naxe en a bersán sursud d'a mesma Sierra de Santo Domingo. Dende allí baxa en direzión surueste dica [[Biota (Zaragoza)|Biota]], á on s'ubre en dentrando en a planeta preniendo a direzión sureste enta Exeya á on se troba con l'Arba de Biel e o [[Río Riguel|Riguel]].
Una begada unitos l'Arba de Luesia e l'Arba de Biel, poco més abaxo d'o casco urbán de Exeya, o cauz de l'Arba trabesa ra parti sursud d'o termín monezipal d'ista billa e cruza de norte á sursud tot o termín de [[Taust]], dica desembocar á la fin en [[Gallur]] en o [[río Ebro]].
