Diferencia entre revisiones de «Vizcondau de Biarn»

En o sieglo XV, debito á una serie de enlazes dinasticos, a [[casa de Foix]] plegó á lo tron [[Reino de Nabarra|nabarro]], estando asinas os reis nabarros tamién bizcontes de Biarn. En 1512 [[Ferrando II d'Aragón|Ferrando lo Catolico]] embadió Nabarra e os reis [[Chuan III d'Albret]] e [[Catalina de Foix]] e a suya corte se replegoron á los suyos dominios de Biarn, dende á on que se fazioron barioscuantos intentos de recuperar o reino de Nabarra. Tanimientres Ferrando s'anecsionaba o reino de Nabarra, [[Ortès]] se combirtió en a capital d'os Albret, con os suyos dominios nabarros reduzitos á parti d'Ultrapuertos. Dimpués d'una luenga guerra e ya reinando [[Carlos I d'Aragón]], qui dimpués de conseguir o control de l'[[Alta Nabarra]] dezidió albandonar [[San Chuan Piet de Puerto]], [[Ultrapuertos]] se mantenió como un reino independient baxo reinato d'Enrique de Borbón, rei de Nabarra con o tetulo de [[Enrique II de Nabarra|Enrique II]].