Diferencia entre revisiones de «Vechetación mediterrania»

A '''bechetazión mediterrania''' se carauteriza por a suya adautazión a los beranos calorosos e xutos d'o clima mediterranio. En a mayor parte d'a superfizie de clima mediterranio a bechetazión potenzial ye a [[selba mediterrania]], dominatas por [[anchiosperma]]s con fuella [[esclerofila]] como a [[carrasca]]. Sin d'embargo tamién bi ha maticals mediterranios y estepas mediterranias, que s'han estendillato muito a costa d'as selbas por l'azión umana. Os [[cautibos mediterranios]] tamién han ocupato muito espazio d'a superfizie d'antigas selbas mediterranias.

As [[selba mediterrania|selbas esclerofilas mediterranias]] compiten en toz os [[pisos bioclimaticos]] con selbas de coniferas[[conifera]]s tamién adautatas a lo [[clima mediterranio]] e que l'ombre ha aduyato a estendillar-se.

Cuan o clima, o suelo u l'azión umana no permiten a formazión d'una selba trobamos un matical mediterranio, dito ''garriga'' en [[idioma catalán|catalán]], ''maquis'' en [[idioma franzés|franzés]], e "matical" a secas en aragonés.

En puestos muito aridos a man d'os desiertos subtropicals como o Sahara u zonas interiors con [[clima mediterranio subdesertico]] ye posible trobar formazions erbazias ditas "[[estepas mediterranias]]", como ye o caso d'os [[Monegros]] e atras partes d'o sector zentral d'a [[Depresión de l'Ebro]].