Diferencia entre revisiones de «Seu de Bristón»

[[Imachen:Bristol Cathedral BCL toilet.jpg|right|thumb|300px|A seu de Briston, d'estilo [[Arquiteutura normanda|normando]], [[Arte romanico|romanico]] y [[Arte gotico|gotico]].]]

 

A '''seu d'a Santa y Indibisible Trinidat de Briston''', u '''seu de Briston''' (''The Cathedral Church of the Holy and Undivided Trinity'' en [[Idioma anglés|anglés]]), ye una [[seu bispal]] situata en a ziudat [[Anglaterra|anglesa]] de [[Briston]], en a [[Rechions d'Anglaterra|rechión]] d'o [[Surueste d'Anglaterra]] y [[Condatos d'Anglaterra|condato]] de Briston. A seu, que fue construyita en os sieglos [[Sieglo XII|XII]]-[[Sieglo XIV|XIV]], ye en estilo [[Arquiteutura normanda|normando]], un estilo [[Arte romanico|romanico]] propio de territorios colonizatos por os [[normandos]], de transizión entre o [[Arte romanico|romanico]] y o [[Arte gotico|gotico]], encara que más amaniato á o primer d'istos estilos.

== Istoria d'a seu de Briston ==

L'edifizio d'a seu fue construyito en [[1140]] con o nombre de '''St Augustine's Abbey''' u abadía de San Agustín, por Robert Fitzharding, un rico ombre local, que tamién fazió construyir o [[castiello de Berkeley]] ta esfender os azesos ta [[Briston]] y l'estuario d'o [[río Severn]]. D'entre o [[sieglo XII]] se bi construyoron nuebos edifizios de [[piedra]], toz en estilo normando (nomás bi ha autualment a casa abazial y a sala capitolar, á más d'una [[puerta]] d'estilo [[Arte romanico|romanico]] que yera en as cambras de l'abat).

En [[1216]]-[[1234]], con o abad Dabid, se construyó a capiella de lady Elder ([[1220]]). En [[1298]]-[[1332]], con l'abat Edward Knowle se reconstruyó a parte oriental de l'abadía. L'abat John Newland ([[1481]]-[[1515]]) escomenzó a reconstruzión d'a [[Nabe (arquiteutura)|nabe]], encara que ista reconstruzión restó incompleta en [[1539]], cuan os [[Anglicanismo|anglicans]] proclamaron a disoluzión d'as ordens monasticas, y a nabe fue enderrocada.