Diferencia entre revisiones de «Río Cinca»

En es suyos primers 70 km tien un cabal cheneroso, o cualo ye entibato per es entibos de [[Entibo de MeyanoMediano|MeyanoMediano]] y d'[[Entibo de Lo Grau|O Grau]]. Es suyos afluyenz més importanz son l'[[Río Ara|Ara]], l'[[río Esera|Esera]] y l'[[Río Alcanadre|Alcanadre]] d'antis no remata á l'[[Ebro]] en aplegar as auguas d'o [[río Segre|Segre]] chusto bels quilometros auguas t'alto de [[Mequinenza]], en a redolada de [[Fraga]]. Fraga, como [[Monzón]] y [[Balbastro]] son ziudaz medratas en as ripas d'iste corso d'augua aprobeitando ras fertils riberas que bi deixa.

De poco pasata [[l'Aínsa]], en as añadas bien plebutas hi remata ra coda d'o primer d'es suyos grans entibos, l'[[Entibo de MeyanoMediano]], construito á l'alto de ra foia interior d'o [[Sobrarbe]] que inundore toz es lugars d'o baixo sobrarbe en enzatar-se ra segunda meidat d'o [[sieglo XX]]. Belas falordias (de poco creyer) se'n dizen d'ixe ebento: en l'antigo nuclio de [[MeyanoMediano]], güei baixo de l'augua, se diz que bi amortore un [[amo]] en no deixar-se ebacuar cuan l'entibo yeba-se emplenando, e alabez se diz que l'ombre, dezidito de no marchar pas, s'encadenore en o campanar d'a ilesia dica que ras auguas l'encalzoren afogando-se alloras con o suyo lugar. Ixa istoria, mas que improbable, no ye si que una exacherazión d'o drama humán que de seguro se-bi bibiore con a expropiazión forzada d'es lugars y d'as fincas d'una redolada, que en altro tiempo, eba sito ra més rica y produtiba de tot Sobrarbe. Altros lugars, anque no sumerxitos como ro tan simbolico MeyanoMediano, también abioren d'estar abandonatos de retruco en quedar as suyas fincas baixo de l'augua: asinas, [[Arasanz]], [[Moriello de Tou|Murillo de Tou]], [[Cherbe]] ó [[Cosculluela de Sobrarbe]] abioren de sofrir en as suyas carnes una agonía encara, si yeba posible, més dolenta que [[MeyanoMediano]], en no estar, virtualment, esnucatos como ro lugar zentral de l'entibo si que abiendo de suportar l'empobrimiento d'as suyas [[casa (tradizión)|casas]] como dengún no eba prebisto, perdutas as suyas tierras á baxo d'as auguas, condenatos ent'a ruina y l'emigrazión.

O segundo gran entibo, [[Entibo de Lo Grau|Lo Grau]], construïto á redols d'ixas mesmas añadas que l'anterior, también abiore grans repercusions en es lugars d'o [[Sobrarbe]] y d'o [[Semontano de Balbastro|Semontán]]. A suya resclosa, fincada en o monezipio [[Semontano de Balbastro|alto-semontanés]] de [[Lo Grau]], tranca una capazidat conchunta con [[Entibo de MeyanoMediano|MeyanoMediano]] de cuasi 900 hm³ aguas t'alto d'ixe lugar, encluïtas localidaz d'as dos ''comarcas'', que abioren similars destinos que ras unas antis referitas; [[Clamosa]], [[Caneto]], [[Ligüerre d'a Zinca]], [[Mipanas]], [[Lapenilla]] y [[Puy d'a Zinca]].