Diferencia entre revisiones de «Monesterio de Santa María d'Obarra»

O '''monesterio de Santa María d'Obarra''' u simplament '''monesterio d'Obarra'''<ref>{{es}} [http://www.boa.aragon.es/cgi-bin/EBOA/BRSCGI?CMD=VEROBJ&MLKOB=1130310763737&type=pdf BOA ORDEN VMV/914/2020, de 14 de septiembre, por la que se publica el Acuerdo adoptado por el Gobierno de Aragón, en su reunión celebrada el día 15 de julio de 2020, por el que se aprueban las modificaciones del Nomenclátor Geográfico de Aragón.]</ref> ye un [[monesterio]] [[Aragón|aragonés]], que se troba situato en o despoblato d'[[Obarra]], que hue fa parte d'o municipio de [[Beranui (municipio)|Beranui]], en a [[Comarcas d'Aragón|comarca]] de [[Ribagorza]] y [[provincia de Uesca]] amán d'o [[río Isabena]]. Encara que se conoix a ocupación d'o [[lugar]] por monches ya en o [[sieglo IX]], l'[[edificio]] actual se debantó en o primer quarto d'o [[sieglo XI]], en estilo [[Romanico aragonés|romanico]], esdevenindo dende ixe inte o prencipal centro cultural d'o [[condato de Ribagorza]]. Os edificios anteriors no se conservan, ye fácil que destruyitos en os quantos ataques d'os musulmans contra la localidat en razón d'a suya importancia ta os ribagorzans.

O conchunto fue declarau monumento nacional en l'anyo 1931 y en l'actualidat consta d'a Ilesia de Santa María, dedicata tamién a [[Sant Pero]], Sant Isteban y a la Santa Cruz, o palacio prioral construito por o prior [[Pere Mur]] en o sieglo XVI y hue en estau de ruina y a [[Ilesia de San Pavlo d'Obarra|eslesia de San Pavlo]] d'o sieglo XII. Tamién tenió un [[molín]] d'augua en o río Isabena ta fer farina hue acondicinau ta casa de colonias.