Diferencia entre revisiones de «Total Recall»

|producción= [[Buzz Feitshans]]</br />Ronald Shusett</br />[[Mario Kassar]]

|guión= [[Ronald Shusett]]</br />[[Dan O'Bannon]]</br />Gary Goldman

|montache= Carlos Puente</br />Frank J. Urioste

A cinta ye basada librement en o cuento curto de [[1966]] de [[Philip K. Dick]] "We Can Remember It for You Wholesale".

A cinta cuenta l'historia d'un treballador d'a construcción que de sopetón se veye embolicau en una trama d'espionache en [[Marte (planeta)|Marte]] y no puede determinar si as suyas experiencias son reals u lo resultau d'implantes de memoria. Estió escrito por Ronald Shusett, Dan O'Bannon, Jon Povill y Gary Goldman, y ganó un [[Premio Oscar]] Especial por os suyos efectos visuals. A partitura orichinal, componida por [[Jerry Goldsmith]], ganó o premio BMI Film Music Award.

Con un presupuesto de 50 a 60 millons de dolars, Total Recall estió una d' as cintas mas caras realizadas en l'inte d'o suyo estreno<ref> {{en}} Keesey, Douglas (2005). Paul Verhoeven. pp. 119, 123. ISBN 3-8228-3101-8.</ref>, encara que as estimacions d'o suyo presupuesto de producción vareyan y no se sabe con aseguranza si bella vegada tenió o récord de cinta mas cara. A cinta replegó $ 261 millons en tot o mundo.

En 2084, o treballador d' a construcción Douglas Quaid tien suenios inquietants sobre [[Marte (planeta)|Marte]] y una muller misteriosa allí. A suya esposa Lori ye despectiva con [[Marte (planeta)|Marte]], an o gubernador, Vilos Cohaagen, ye luitando contra una rebelión. Quaid visita Rekall, una interpresa que implanta recosiros falsos de vacanzas, y elige un ''viache'' enta [[Marte (planeta)|Marte]] como achent secreto. Manimenos, o procedimiento sale malament perque Quaid ha suprimiu os recosiros d'estar un achent secreto en [[Marte (planeta)|Marte]].

Os emplegaus de Rekall lo sedan, le borran a memoria d'a suya visita y lo ninvian enta casa. En o camín, Quaid ye atacau por o suyo colega de treballo Harry y atros hombres, y se veye obligau a matar-los. En casa, Lori l'ataca, afirmando que o suyo matrimonio ye un implante de memoria falsa, y ''l'Achencia'' la ninvió a monitoriar a Quaid. Quaid incapacita a Lori y fuye ascape, encorriu por hombres armaus lideraus por Richter, l'achent de Cohaagen y o verdadero mariu de Lori.

Dimpués d'evadir l' os suyos atacants, Quaid recibe una maleta que contiene diners, dispositivos, identificacions falsas y una gravación de video en a quala Quaid s'identifica a ell mesmo como Hauser y explica que gosaba treballar pa Cohaagen, pero cambió de bando dimpués d'enterar-se d'un artefacto alienichena en [[Marte (planeta)|Marte]]., sozmetendo-se a l'escoscamiento d'a suya memoria pa protecher-se. Hauser le indica a Quaid que retire un dispositivo de rastreyo ubicau adintro d'o suyo crapazín y le ordena que vaiga enta [[Marte (planeta)|Marte]]. A la suya plegada, Quaid troba una nota de Hauser que l'endreza a Venusville, un vico royo poblau por personas mutadas como resultau d'una protección deficient contra a radiación. Conoixe a Benny, un taxista, y Melina, a muller d'os suyos suenios, pero ella lo refusa, creyendo que encara treballa pa Cohaagen.

Quaid dimpués se troba con o Dr. Edgemar y Lori de Rekall. Edgemar afirma que a causa que d'una ''embolia esquizoide'', Quaid ye atrapau en una fantesía d'os recosiros implantaus: ell y Lori se ficoron en a fantesía y ofreix una ''pindola'' que le indicará a Quaid que se dispierte. En veyer a Edgemar sudando, Quaid se da cuenta de que ye real y lo mata. Os hombres de Richter irrumpen en a cambra y capturan a Quaid, pero Melina plega y ataca a los hombres. Quaid mata a Lori y escapa con Melina.

Fuyen enta Venusville con Benny y son conducius a un túnel secreto. Incapaz de localizar a Quaid, Cohaagen amorta a ventilación de l' aria, afogando a totz lentament. Quaid, Melina y Benny son levaus a una base rebelde an Quaid ye presentau a lo suyo lider, o mutant Kuato qui ye auniu a lo suyo chirmán George. Kuato leye a mente de Quaid, recordando una discusión con Cohaagen y Richter sobre l'artefacto marciano y o suyo proposito. As fuerzas de Cohaagen irrumpen y matan a la mayoría d'os rebeldes. Quaid, George / Kuato, Melina y Benny escapan por una inclusa d'aire, pero sorprendentment, Benny mata a George y revela a suya alianza con Cohaagen. Antis de morir, Kuato implora a Quaid que active o reactor alienichena.

Quaid y Melina son levaus a Cohaagen, qui reproduz unatro video, en o qual Hauser explica que a personalidat de Quaid estió una estruzia pa enganyuflar as habilidatz psiquicas d'os mutants, infiltrar-se en os mutants y exposar a Kuato, acabando asinas con a rebelión. Cohaagen ordena que Quaid sía reprogramau con os recosiros de Hauser y que Melina sía reprogramada como a suya obedient muller, pero escapan ent'as menas an se troba o reactor. Benny los ataca en una maquina d'excavación, pero Quaid lo mata. Quaid y Melina dimpués burlan y matan a Richter y os suyos hombres que les tendioron una emboscada.

Quaid plega a la sala de control d'o reactor, an Cohaagen ye asperando con una bomba, afirmando que en encetar o reactor los destruirá a totz. Melina plega y dispara a Cohaagen, pero ell enchega o temporizador d'a bomba. Quaid lanza a bomba por un túnel, lo que provoca una descompresión explosiva. Quaid empenta a Cohaagen a un costau, lanzando-lo a la superficie marciana, an s'afoga y muere. Quaid aconsigue activar o reactor antis de que ell y Melina tamién s'amorten.

As barras d'o reactor se desplegan, sublimando a chelera de turbinio debaixo y liberando gas, que esclata en a superficie y forma una atmosfera planetaria respirable. Quaid y Melina aconsiguen sobrevivir a la suya breu descompresión. Con a nueva atmosfera respirable, Venusville y a resta d'a población de [[Marte (planeta)|Marte]] se salvan. Mientras totz contemplan o nuevo ciel azul, Quaid fa una pausa momentania pa preguntar-se si ye soniando u no, antis de tornar-se pa besar a Melina.

O guión orichinal estió escrito por Dan O'Bannon y Ronald Shusett, os escritors d'[[Alien (cinta)|Alien]], qui escribioron o guión inicial antis d' a suya colaboración en Alien. Heban mercau os dreitos d'o cuento de [[Philip K. Dick]] "We Can Remember It for You Wholesale" entre que Dick encara yera vivo. Incapaz de trobar un patrocinador pa o prochecto, se fundió en l'infierno d'o desembolique, pasando d' estudeo en estudeo mientres diversos anyos, mientres os quals s'escribioron bell quaranta borradors d'o guión.<ref> {{en}} Murray, Will (July 1990). "Man Without Memory". Starlog (156): 50–55, 79 </ref>

A meyaus d'o decenio de 1980, o productor [[Dino De Laurentiis]] asumió o prochecto con [[Richard Dreyfuss]] como protagonista. [[Patrick Swayze]], o que recientment i heba protagonizau [[Dirty Dancing]], tamién estió considerau pa o paper. En [[1987]], s'anunció que De Laurentiis ferba a cinta como a primera producción pa a suya companyía DEG en os nuevos estudeos cinematograficos de De Laurentiis en Gold Coast, con Bruce Beresford pa endrezar a partir d'un guión d' O'Bannon y Shusett. Ista versión d' a cinta nunca se fazió.

[[David Cronenberg]] recibió o guión de De Laurentiis, que en a suya opinión tenió un gran encomienzo, pero a mida que avanzaba sintió que O'Bannon y Shusett no sabeban qué fer con l'historia. Cronenberg describió o suyo treballo en o prochecto como una luita constant y, finalment, barallando con Shusett: "Treballé en ell mientres un anyo y facié arredol de 12 borradors. Finalment, plegamos a un punto en o qual Ron Shusett dició: 'Sabes lo que has feito? Has feito a versión de Philip K. Dick. Dicié: 'No ye ixo lo que se suposa que hemos de fer? ' Ell dició: 'No, no, queremos fer [[Raiders of the Lost Ark]] en Marte".<ref> {{en}} [https://www.wired.com/2003/12/philip/ The Second Coming of Philip K. Dick] en Wired.com </ref> Cronenberg teneba l' intención d' esleyer a [[William Hurt]] pa o paper y visualizó a cinta como "[[Spider (cinta)|Spider]] va a Marte". Shusett afirmó que unatra razón por a quala Cronenberg abandonó a cinta estió perque en a epoca en que Dreyfuss va estar embrecau, o director quereba adoptar un enfoque diferent y, en parolas de Shusett, yera "de sopetón [... ] en contra d'as suyas propias ideas" dimpués de qualques desalcuerdos. Encara que no estió acreditau en a versión zaguera d' a cinta, Cronenberg orichinó l' ideya de mutants en Marte, incluiu o personache de Kuato (escrito Quato en o suyo guión).<ref> {{en}} Robb, Brian J. (2006), Counterfeit Worlds: Philip K. Dick on Film, Titan Books, pp. 15, 158-159, ISBN 1-84023-968-9 </ref> Quan l'adaptación de [[Dune (cinta de 1984)|Dune]] fracasó en a taquilla, De Laurentiis tamién perdió l'entusiasmo por o prochecto.

O colapso d' a companyía de De Laurentiis proporcionó una oportunidat pa [[Arnold Schwarzenegger|Schwarzenegger]], qui s'heba amanau sin exito a lo productor pa protagonizar a cinta. Schwarzenegger s'heba enterau por primera vegada d'o prochecto entre que filmaba [[Raw Deal]], que i heba estau distribuiu por De Laurentiis Entertainment Group. Inicialment discutió fer a cinta con o productor de [[Predator (cinta)|Predator]] [[Joel Silver]] entre que treballaba en ixa cinta, pero iste prochecto nunca plegaría a buen termin.<ref> {{en}} Murray, Will (July 1990). "Man Without Memory". Starlog (156): 50–55, 79.</ref> Convenció a Carolco pa que mercase os dreitos d'a cinta por $ 3 millons comparativament baratos y negoció un salario de $ 10-11 millons (mas o 15 % d' as ganancias) pa protagonizar, con un grau inusualment amplo de control sobre a producción. Obtenió poder pa vedar sobre o productor, director, guión, coprotagonistas y promoción. [[Arnold Schwarzenegger|Schwarzenegger]] primer reclutó personalment a [[Paul Verhoeven]] pa endrezar a cinta, dimpués d' haber quedau impresionau por [[RoboCop]] d'o director holandés (por o qual Schwarzenegger estió considerau pa o paper prencipal). Pa alavez, o guión i heba pasau por 42 borradors, pero encara le faltaba un tercer acto. Luego, Schwarzenegger contrató a Gary Goldman pa que treballase con Ronald Shusett pa desembolicar o zaguer borrador d'o guión.<ref> {{en}} Leamer, Laurence. Fantastic: The Life of Arnold Schwarzenegger, pp. 259–262. Macmillan, 2006. ISBN 0-312-93301-0 </ref> O director tamién trayió a muitos d' os suyos colaboradors en RoboCop, incluiu l' actor [[Ronny Cox]], o director de fotografía [[Jost Vacano]], o disenyador de producción William Sandell, l' editor Frank J. Urioste y o disenyador d' efectos especials Rob Bottin.<ref> {{en}} Lichtenfeld, Eric. Action Speaks Louder: Violence, Spectacle, and the American Action Movie. Wesleyan University Press, 2007. ISBN 0-8195-6801-5 </ref>

[[Categoría:Cintas interpretatasinterpretadas por Arnold Schwarzenegger]]