Diferencia entre revisiones de «Star Wars Episode IV: A New Hope»
Contenido eliminado Contenido añadido
m →Reparto: >vinclo |
argumento |
||
Linia 52:
* [[Phil Brown]], en o papel de ''Owen Lars''.
* [[Shelagh Fraser]], en o papel de ''Beru Whitesun''.
== Argumento ==
Enmeyo d' una guerra civil galactica, os espías de l'Alianza Rebelde han robado os planos d'a Estrela d'a Muerte de l' Imperio Galactico, una enorme [[estación espacial]] capable de destruir una planeta entera. A senadora imperial [[Leia Organa|Prencipesa Leia]] d'Alderaan, secretament una d'as liders d'a Rebelión, ha obteniu os suyos esquemas, pero a suya nau estelar ye interceptada por un Destructor Estelar Imperial baixo o mando d'o despiedau [[Darth Vader]]. Antis d' estar capturada, Leia amaga os planos en a memoria d'o droide [[R2-D2]], qui fuye en una capsula d'escape a la planeta desertica Tatooine acompanyau por o droide de protocolo [[C-3PO]].
Os droides son capturaus por comerciants jawa, que os venden a os granchers Owen y Beru Lars y o suyo sobrino [[Luke Skywalker]]. Mientras escosca [[R2-D2]], Luke activa accidentalment parti d' una gravación holografica de Leia, en a quala solicita aduya a [[Obi-Wan Kenobi]]. Más tardi, dimpués de que Luke troba a [[R2-D2]] desapareixiu, ye atacau por Tuskens entre que lo buscaba, manimenos ye rescatau por o viello santero "Old Ben" Kenobi, un conoixiu de Luke, qui revela que "Obi-Wan" ye o suyo verdadero nombre. Obi-Wan le conta a Luke d'os suyos días como uno d' os Caballers Jedi, os antigos pacificadors d'a Republica Galactica que obtenioron habilidatz misticas d'un campo d'enerchía metafisica conoixiu como ''a Fuerza'', pero finalment estioron encorrius dica quasi a suya extinción por l'Imperio. Luke s'entera que o suyo pai luitó chunto a Obi-Wan como un Caballero Jedi mientres as Guerras Clon dica que Vader, l'antigo alumno d'Obi-Wan, se tornó ent'o costau fosco d'a Fuerza y l'asasinó. Obi-Wan le presienta a Luke o viello sabre de luz d'o suyo pai, l'arma caracteristica d' os Caballers Jedi.
[[R2-D2]] reproduz o mensache completo de Leia, en o qual le ruega a Obi-Wan que leve os planos d'a Estrela d'a Muerte a la suya planeta natal d'Alderaan y se los dé a lo suyo pai, un companyero veterano, pa que los analice. Encara que Luke inicialment refusa l'ofierta d'Obi-Wan d'acompanyar-lo ent'Alderaan y aprender os camins d'a Fuerza, no le queda unatra opción dimpués de descubrir que os soldaus d'asalto imperials han matau a la suya tía y o suyo tío y destruiu a suya grancha en a suya busca d'os droides. En viachar enta una tabierna en Mos Eisley pa buscar transporte, Luke y Obi-Wan logan a [[Han Solo]], un contrabandista con un pre per o suyo tozuelo a causa d'a suya deuda con o mafioso local Jabba. Acazaus por soldaus d'asalto, Obi-Wan, Luke, R2-D2 y C-3PO fuyen de Tatooine con Han y o suyo copiloto wookiee [[Chewbacca]] en a suya nau Millennium Falcon. Quan alcanzan l'orbita d'a planeta, dos Destructors Estelars intentan interceptar-los, manimenos Han puede blincar a l'hiperespacio aconseguindo a velocidat d'a luz.
Antis que o Millennium Falcon pueda arribar enta Alderaan, o comandant d'a Estrela d'a Muerte, o Gran Moff Tarkin, interroga a Leia sobre l'ubicación d'a base secreta d' os Rebels, con a menaza de destruir a suya planeta natal, y quan ella responde que a base ye en Dantooine, ordena que Alderaan sía destruida simplament como demostración de fuerza. Quan o grupo plega a lo campo d'asteroides que agora ocupa o puesto d'alderaan, Han veye un caza imperial TIE y se mofla d'ell pa que l'encorra y l'espalde, permitiendo que o Millennium Falcon sía capturau por o rayo tractor d'a estación espacial. Adintro d'a Estrela d'a Muerte, Obi-Wan intenta desactivar o rayo tractor, y Luke persuade a Han y Chewbacca pa que l'aduyen a rescatar a Leia dimpués de descubrir que ye programada pa estar executada. Dimpués de desactivar o rayo tractor, Obi-Wan sacrifica a suya vida en un duelo con sabres de luz con Vader, permitindo que a resta d'o grupo escape d'a Estrela d'a Muerte con Leia. Usando un dispositivo de rastreyo, l'Imperio rastrea a lo Millennium Falcon dica a base rebel amagada, en realidat ubicada en Yavin IV.
Os esquemas de Leia revelan una debilidat amagada en o puerto d'escape termico d'a Estrela d'a Muerte, que podría permeter a los rebeldes desencadenar una reacción en cadena en o suyo reactor prencipal con un tiro de torpedo preciso. Mientras Han abandona a os rebeldes dimpués de cobrar a suya recompensa por rescatar a Leia, Luke s'une a lo suyo escuadrón de cazas estelars en un ataque desasperau contra a Estrela d'a Muerte que s'arrima. En a batalla que sigue, os rebeldes sufren grans perdas quan Vader lidera un escuadrón de cazas TIE contra ells, pero Han torna inasperadament pa aduyar-los en o Millennium Falcon, aconseguindo salvar a Luke por una mica antis de que Vader pueda espaldar-lo. Guiau por a voz incorporia de l'esprito d'Obi-Wan, Luke amorta o suyo ordinador de navegación y usa a Fuerza pa apuntar os suyos torpedos ent'o puerto d'escape, destruindo a Estrela d'a Muerte intes antis de que dispare contra a base rebelde. En una ceremonia triunfal en ixa mesma base, Leia entrega medallas a Luke y Han por o suyo heroísmo.
== Referencias ==
| |||