Diferencia entre revisiones de «Val de Viadors»

12 bytes eliminados ,  hace 2 meses
m
sin resumen de edición
m
m
La '''Val de Viadors''', que bela vez se troba encara escrito en grafía [[Idioma castellano|castellana]] como '''''Viadós''''' u '''''Biadós''''' per cómo suena, ye el nombre como se diz a'l sector más alto de la val d'el [[río Cinqueta]], dende aon s'achunta el [[río Cinqueta d'Anyes Cruces|Cinqueta d'Anyes Cruces]] con el [[río Cinqueta de la Pez|Cinqueta de la Pez]] y dica aon s'enfaixona el río pe'l [[congosto]] que l'ha de lievar ta el [[puent d'es Pecadors]], puesto aon s'ubre ya el curso y prencipia la [[val de Chistau]].
 
Viadors ye una zona ubierta y solana entre montanyas bien altas que se troba dezaga d'el dito congosto, y es chistabins, es habitants de la val de Chistau, la emplegaban pa [[ferraina|feners]] y bel atro cautivo, como [[trunfa]]s, que dimpués s'almagazenaba en as [[borda]]s que i son. Tamién yera un puesto de paso d'es camins que diban dende Chistau en ta [[Francia]] y per ixo, cómo no, se i va fere muto [[contrabando]]. Agora Viadors s'emplega más que más pa fer [[pastura|paixentare]] el [[bistiar]]. I hai una [[ermita]], que en dicen [[ermita de Santa María la Blanca (Chistén)|la Virgen Blanca]]. Tamién i ha un cámping y la [[Cubilar de Viadors|cabana de Viadors]] pa es montanyers y es excursionistas que s'arriman.
 
Las montanyas más altas que se veyen dende Viadors son, en sentiu horario y comenzando a las seis: el [[Punta Maristás|pico de l'Orbar]] y el collau de la Cruz de Guardia, el [[pico de la Parda]], la [[Punta Suelsa|Suelsa]], l'[[pico d'Ordiceto|Ordiceto]], la [[tuca Blanca]], la [[punta Cabalera]], la [[Punta Culfreda Norte|Culfreda]], la [[Punta Vachimala|Vachimala]], la [[Punta de Lardana|Lardana]] y la [[Punta de Lardaneta|Lardaneta]] y la [[punta Alta d'es Leners]] ya en rematando. Qualcunas d'estas montanyas pasan t'alto d'es 3000 metros. Tamién son a saber qué vistables [[Pico d'el Montó|el Montó]], arronchadet y tapau de [[selva]] de [[Pinus nigra|pins negros]], y el [[puntal de Barrau]] con la suya forma de cilindro.
24 002

ediciones