Diferencia entre revisiones de «Relichión maorí»

A relichión tradicional maorí, isto ye, o sistema de creyencias pre-europeu d'o [[maorís|pueblo maorí]], ye una mica diferent d'aquell provenient d'a suya [[Polinesia]] Oriental nativa (''[[Hawaiki|Hawaiki Nui]]''), tenendo una concepción de tot, incluyindo-ie os elementos naturals y todas as cosas vivas, como conectau por una descendencia común a traviés d'o ''[[whakapapa]]'' u chenealochía. D'alcuerdo con isto, se creye que todas as cosas poseyen una fuerza vital u ''mauri''. Ilustrando iste concepto de conectividat a traviés d'a [[chenealochía]] se troban as personificacions d'os tiempos pre-contacto: ''[[Tangaroa]]'' yera a personificación de l'ocián y l'ancestro u orichen de totz os peixes; ''[[Tāne]]'' yera a personificación d'a selva y l'orichen de todas as aus y ''[[Rongo]]'' yera a personificación d'as actividatz pacificas y l'agricultura y l'ancestro de todas as plantas cautivadas. (Seguntes beluns, a [[personificación]] suprema d'os maorís yera ''[[Io Matua Kore|Io]]''; encara que ista ideya ye controvertida.)

 

En primerías d'o [[sieglo XIX]], muitos maorís se convirtioron a o cristianismo.<ref>Ivan Lorin George Sutherland, "The Maori Situation", Harry H. Tombs, Wellington, 1935</ref> Un gran numero de conversos s'unioron a la [[Ilesia d'Anglaterra]] y a la [[Ilesia Catolica]], estando as dos encara muit importants en a sociedat maorí. A participación d'os maorís en a Ilesia d'Anglaterra en Nueva Zelanda ha estau prou reconoixida con a ordenación de quantos mosens maorís como [[Bispes d'Aotearoa]]. Un famoso y a vegadas controvertiu poseyedor d'iste títol estió l'antigo mosen [[Whakahuihui Vercoe]], qui ye remerau por o suyo discurso franco debant d'a [[Isabel II d'o Reino Unito|Reina Isabel II]] mientres a ceremonia de celebración d'o [[Waitangi Day]]. A Ilesia Catolica Romana tamién ha ordenau maorís en posicions relevants. Atras ilesias tamién tenioron localment exito en zaguerías d'o [[sieglo XIX]], incluyindo, entre atras, a [[Ilesia Presbiteriana]]. A [[Ilesia de Chesucristo d'os Santos d'os Zaguers Días]] tamién tenió exito en a faina de ganar conversos maorís dende a [[decada de 1880]] y asinas en l'anyo [[1901]] bi heba alto u baixo 4.000 miembros maorís en 79 brancas.<ref>{{en}} [[R. Lanier Britsch]], [http://www.lds.org/new-era/1981/06/maori-traditions-and-the-mormon-church "Maori Traditions and the Mormon Church"], ''[[New Era (magazine)|New Era]]'', June 1981.</ref><ref>{{en}} [http://farms.byu.edu/display.php?table=jbms&id=179 A Maori View of the Book of Mormon - Maxwell Institute JBMS]</ref>