Diferencia entre revisiones de «Tilia»

{{Taxobox_end_placement}}

{{Taxobox_end}}

 

As '''tilleras''' u '''tillers/os''' (scientificament, [[chenero (biolochía)|chenero]] '''''Tilia''''') son un chenero d'[[árbol]]s en a [[familia (biolochía)|familia]] d'as ''[[Malvaceae]]'', que enantes s'heban comprenditos en una familia propia, dita '''''Tiliaceae''''' y en l'actualidat desestimata, que son propios d'as rechions templatas d'o [[hemisferio norte]]. Se i comprenden una trentena d'[[especie]]s, naturals totas d'[[Europa]], [[Asia]] y la parte oriental de [[America d'o Norte|Nortamerica]]. Tamién son caultivatas en o [[hemisferio sud]] con motivos ornamentals. Como tamién pasa con altros cheneros d'árbols (como ''[[Quercus]]''), existen muitos hibridos naturals y ixo ne complica muito la clasificación d'as especies.

 

Totas las especies son caducifolias, con fuellas cordiformes (ixo ye en «forma de corazón», como los [[coplo]]s) con o canto serrato. As fuellas gosan fer dica 20 cm d'amplo en qualques especies d'este chenero. A [[follamen]] ye verde en a faz, y blanca tomentosa (ixo ye [[pelo|cerruta]], con pels chiquetz y finos) en o envés. As flors d'estes árbols son muito aromaticas, chicotas y amariellas, y creixen en [[carrazo|carracetz]] penchatas d'una [[bractia]] alongata. As flors d'as tilleras se conoixen como '''[[tilla]]''' y s'emplegan ta fer-ne [[infusión|infusions]].

 

== Especies ==