Diferencia entre revisiones de «Kirguizes d'o Yenisei»

Os '''kirguizes d'o Yenisei''' estioron un pueblo de luenga [[luengas turquicas|turquica]] procedent d'a rechión de l'alto [[río Yenisei|Yenisei]] y que en l'anyo [[840]] invadioron o territorio d'o [[Khanato Uigur]] derrocando a la clase dirichent [[uigurs (Edat Meya)|uigurs]] y prenendo o poder en gran part d'as [[estepas euroasiaticas orientals]]. En l'anyo [[924]] os [[khitans]] los forachitoron y tornoron a lur tierra d'orichen.

 

Bi ha autors que consideran a los kirguizes d'o Yenisei un pueblo de raza [[caucasoide]] y orchinariament de luenga indoeuropea recientment turquizato en l'[[alta Edat Meya]]. As cronicas chinesas los describen como altos y royos. Una teoría recient relaciona a los kirguizes d'o Yenisei con os portadors d'a [[cultura de Tashtyk]].

 

 

Una migración de kirguizes d'o Yenisei-khacasos ta [[Khanato Dzhungaro|Dzhungaria]] en l'anyo [[1703]] (quan yera en a [[suchección|subchección]] d'os [[choros]]), y, dimpués de l'anyo [[1759]] a deportación dende [[Dzhungaria]] ta [[Manchuria]] por orden d'os nuevos dominadors [[Dinastía Qing|Qing]] levó a uns parlants d'o [[idioma khacaso]] a la compleganza d'o [[río Nonni|Nonni]] ([[Heilongjiang]]), on s'ha charrato o dialecto ''[[Fuyü Gïrgïs]]'' u ''[[Fu-Yu Kirgiz]]'', que ye en proceso de desaparición ya irreversible. Os parlants d'este dialecto s'autodenominan ''Gïrgïs'' (ye dicir "kirguizes"), talment conservando un antigo nombre tribal. As autoridatz chinesas los consideran d'a mesma nacionalidat que os [[kirguizes]] de luenga turquica [[luengas quipchak|quipchak]] de [[Xinjiang]].