Diferencia entre revisiones de «Idioma turco»

O standard turco actual ye recient y sustituyó a una luenga escrita conoixita como [[turco otomán]], luenga plena d'[[arabismos]] y [[persismos]]. O standard turco otomán teneba tantos arabismos y persismos y yera tan luent d'as [[parla (lingüistica)|parlaparlas]]s vivas que una persona que no tenese una educación islamica clasica quasi no lo podeba entender. As parlas vivas yeran més a man d'a primera luenga turquica que s'estendilló por Anatolia. A fins d'o sieglo XIX quan se quereba ixamplar l'amostranza primaria se veyó o problema. En as zagueras decadas d'o Imperio Otomans bells periodistas ya escribiban en un luengache més a man d'a parla popular, pero o prencipal cambeyo en a luenga escrita se produció baixo o [[kemalismo]], y a reforma que sufrió a luenga escrita fue muito més radical que en atros países.

En a decada 1920 [[Mustafá Kemal]] emprendió o [[prochecto]] de cambear o estandard y fer-lo més turco. Os arabismos y persismos heban d'estar sustituitos quan estase posible por radices turcas u por neolochismos turcos, y dimpués cambeoron l'alfabeto arabe por l'[[alfabeto latín]]. En a decada de 1930 o pueblo mesmo fue movilizato pa replegar parabras turcas puras encara usatas en as parlas turcas locals y se creyoron equipes d'investigadors que rechirasen en os textos antigos pa escar parabras turcas obsoletas que podesen sustituir a los arabismos y persismos. As escuelas y prensa diaria daban publicidat a estas troballas. Se plegaba a prener parabras occidentals d'orichen frances pa sustituir arabismos u [[persismo (lingüistica)|persismopersismos]]s quan se veyeba convenient. O vocabulario d'o standard cambeó tanto que bi ha pocos turcos que entiendan os discursos de Kemal en a forma orichinal. O discurso d'os seis días (''nutuk'') sobre a caita d'o [[Imperio Otomán]] y d'amenexer d'a republica, pronunciato en 1927, habió de ser tradueito a lo turco morderno en [[1963]].