Por o que fa a l'ueste de Galia u Francia a muga inicial entre as luengas d'Oc y as luengas d'Oil yera d'alto u baixo a [[río Loira|Loira]], reflexandoreflectando que yera a zona de muga primero entre a provincia [[Provincia Lugdunesa|Lugdunesa]] y a provincia d'[[Aquitania (provincia romana)|Aquitania]], y dimpués d'a reforma de [[Dioclecián]], a muga entre a diocesi [[Diocesi Vienesa|Vienesa]] y a diocesi [[Diocesi Lugdunesa|Lugdunesa]]. En o caso d'o romanz de l'aria atlantica entre a Loira y a desembocadura d'o [[río Garona|Garona]] se produció una asimilación d'un dialecto d'oc por part d'os dialectos d'oïl; sería un caso pareixito a lo que se desvinió en a Riocha meyeval, bi heba un [[riochán precastellán]] en o sieglo X que feba part d'o [[navarroaragonés]] y dimpués se [[castellanización|castellanizó]] esdevenindo una variant meyeval d'o castellán.
