Diferencia entre revisiones de «Imperio Otomán»

En o sieglo XIX o Imperio Otomán se iba restrinchindo u centrando politicament cada vegata mes a o territorio habitato por turcos. Un nacionalismo expansionista calcato de modelos europeus como o [[paneslavismo]] u o [[panchermanismo]] influenció bells turcos anatolians y [[pueblos turquicos|turquicoturquicos]]s d'o [[Imperio Ruso]], o [[panturquismo]], pero os pueblos turquicos yeran tan ixemenatos y as diferencias entre ellos tan grans que o panturquismo no podeba levar-se a la practica. D'esta traza quan o gobierno d'os [[chovens turcos]] levó a o Imperio Otomán a la derrota en a I guerra mundial, amaneixió en a presona de [[Mustafa Kemal]] un nacionalismo mes pragmatico centrato en os turcos que habitaban en Anatolia y os territorios que podesen controlar, (turcos y turquicos d'a [[Turquía Europea]], de [[Trascaucasia]], d'o [[Kurdistán]], etc...). A guerra de 1922-1923 tenió como resultato o establimiento d'una republica laica y a millor definición d'o pueblo turco, encara que o kemalismo occidentalizó as costumbres d'os turcos y atros musulmans de Turquía, en una prebatina de modernización. Abolió o soldanato (desaparición oficial d'o Imperio Otomán) y o califato, secularizó a vida social, atorgó igualdat de dreitos a las mullers, introdució l'alfabeto latín y os apellitos, limpió d'arabismos y persismos a luenga estándar ([[idioma turco otomán|turco otomán]]), prohibió l'uso d'o velo en as mullers y imposó a vestimenta occidental en os hombres.