Diferencia entre revisiones de «Río Usía»

|naxedero= [[Sierra d'o Campanué]], [[Asas Cortz]]

|desembocadura= [[entibo de Mediano]] a man de [[Oo Lumo de Muro]]

|municipios= [[a Foradada d'o Toscar]] y [[A Fueva (municipio)|Aa Fueva]]

O '''río Usía''' u '''barranco d'a Usía''' ye un [[río]] chicot u [[barranco]] d'o sud-este d'a [[comarcas d'Aragón|comarca]] d'o [[Sobrarbe]], en [[Aa Fueva]], que ye [[afluent]] d'o [[río Cinca]] por a man cucha. Naixe en os arredols de o [[puerto de Foradada]], en a baixant fovana d'a [[sierra d'o Campanué]] (anque a dintro d'o [[municipio|termin municipal]] de [[a Foradada d'o Toscar]]), no guaire luent d'as [[aldeya]]s de [[Asas Cortz]] y [[Ranyín]], y desemboca en a [[río Cinca|Cinca]] en o [[entibo de Mediano]], a man d'[[Oo Lumo de Muro]] y d'[[Arasanz]].

Atraviesa a cabecera d'Aa Fueva, que ye [[Tierrantona]], y esnaviesa por a fondonada que ye a dita subcomarca, por terrenos de [[plana|cantimplano]] en os que no i hai guaire inclinación, anque sin serpenteyar. Tiene [[glera]]s en qualques puntos, anque no ye un río guaire propenso a sufrir [[mayenco]]s, y en a mayor parte d'o suyo recorrido no i hai si que tansas [[espuenda]]s prou altas como ta contener-lo, presentando-se os [[campo (rural)|campo]]s a poqueta altaria por d'encima d'a glera.

Dende Oo Lumo de Muro, o río se torna a encaixonar en un congosto por os calcils d'a [[sierra de Muro de Roda]] en a man dreita, y d'a [[sierra de l'Entremont]] en a cucha, dica que se torna a obrir boca t'a [[val d'a Cinca]] a bell kilometro y meyo en sud d'Arasanz. A desembocadura se situaba a man de [[Mediano|Mediano Viello]], pero con a construcción de l'entibo en as zaguerías d'a [[anyos 1960|decada de 1960]], ixe endreto se cacegó mismo que Mediano, y en l'actualidat desemboca bells centenars de metros más t'alto (quan l'entibo ye altero, encara a dintro d'o congosto gosa desembocar).

*[[Río d'Aa Nata]]

[[Categoría:Cheografía d'Aa Fueva]]