Diferencia entre revisiones de «Asia»

'''Asia''' ye una d'as partis que, chunto con [[Europa]], forma o [[supracontinent]] d'[[Eurasia]]. Ye una d'as mayors arias cheograficas d'o planeta [[Tierra]], y s'estendilla en a metat oriental d'o [[hemisferio norte]], dende l'[[Ocián Glacial Arctico]] por o norte dica l'[[Ocián Indico]] por o sud. Por l'este arriba dica l'[[Ocián Pacifico]] y por l'ueste dica os [[Monts Urals]] y o [[Caucaso]], mugando tamién con a [[mar Roya]], a [[mar EcheyaEchea]], o [[estreito d'os Dardanelos]], a [[mar de Marmara]], o [[Bosforo]], a [[mar Negra]] y a [[mar Caspia]]. Ye deseparata d'[[America]] por o [[estreito de Bering]], y d'[[Africa]] por a [[canal de Suez]]. En fer parte en realidat d'una continidat cheografica con Europa, que formalment puet definir-se como una [[peninsula]] chigant d'Asia, puet considerar-se que a noción d'Asia ye mas que mas una noción cultural y no pas cheografica.

Muitos cheografos no consideran que Asia y Europa sían continents deseparatos,<ref>{{en}} "[http://encarta.msn.com/encyclopedia_761574726/Asia.html Asia]." ''[[Encarta|MSN Encarta Encyclopedia]]''. 2007.</ref> porque en realidat no bi ha garra deseparación fesica entre totz dos.<ref name=McG-H>{{en}} "[http://www.answers.com/topic/asia-2010#Science_and_Technology_Encyclopedia Asia]". ''[[McGraw-Hill Encyclopedia of Science and Technology]].'' 2006. Nueva York: McGraw-Hill Inc.</ref> Por eixemplo, sir [[Barry Cunliffe]], profesor emerito d'arqueolochía europeya d'a [[Universitat d'Oxford]], diz que Europa ye cheograficament y cultural nomás que a prominencia occidental d'o continent asiatico,<ref>{{cite web|url=http://www.theatlantic.com/doc/200812/editors-choice |title=Geography Is Destiny - The Atlantic (December 2008) |publisher=The Atlantic |date=2008-12-01 |accessdate=2009-04-20}}</ref> ye decir, considera que Europa ye una pensinsula d'Asia. Cheograficament, Asia ye a parti mas gran d'o este d'o territorio dito [[Eurasia]] (estando Europa a [[peninsula]] noroccidental d'ixa masa de tierra) u d'[[Africa-Eurasia]]; cheolochicament, Asia, Europa, Y Africa forman una sola masa contigua (excepto a [[canal de Suez]]) y comparten a mesma [[plataforma continental]]. Quasi tota Europa y a mayor parti d'Asia se troban situatas sobre a [[placa eurasiatica]], que s'une a o sud con a [[placa arabiga]] y a [[placa indica]], mientres que a parte este de [[Siberia]] se troba sobre a [[placa nord-americana]] y as [[Filipinas]] sobre a [[placa filipina]]. Sindembargo, a opinión mayoritaria, mesmo que a opinión tradicional, considera a [[Europa]] y a Asia como dos continents deseparatos, encara que sía nomás que como una simpla convención. Antiparte, en Asia (mas concretament en [[China]]) se troba o puesto de tierra firme que se troba a una distancia mas gran d'a mar, a 2.648 &nbsp;km de distancia.

Fan parte d'Asia un total de 51 estatos, estando o [[estato]] asiatico con mayor numero d'habitants [[China]], con una [[Población humana|población]] d'alto u baixo 1.400 millons d'habitants, y o menos poblato as [[Maldivas]], con una mica mas de 350.000 habitants. Por a suya [[superficie]], o país que s'estendilla mas por territorio asiatico ye [[Rusia]], con una mica mas de 17 millons de [[km²]] y o país con una superficie mas chicota ye tamién Maldivas, cin una mica menos de 300 &nbsp;km². Por [[densidat de población]] o estato mas densament poblato ye [[Singapur]], con una densidat de mas de 6.000 hab/km² y o meons densament habitato ye [[Mongolia]] con menos de 2 hab/km².

| [[Imachen:Flag of Indonesia.svg|22px|border]] [[Indonesia]]<ref>&nbsp;&nbsp;[[Indonesia]] ye considerato por un regular un país transcontinental entre l'Asia Sud-oriental y [[Oceanía]]; as zifras no encluyen [[Irian Jaya]] y as [[islas Molucas]], situatas ey Oceanía ([[Melanesia]]/[[Australasia]]).<br /></ref>