Diferencia entre revisiones de «Condau de Pallars»

Lo '''condato de Pallars''' estió uno de los [[condato]]s que i eba en lo territorio que en la primera mitat de lo [[sieglo IX]] bels cronistas de la cort [[Imperio Carolinchio|carolinchia]] clamoron ''[[Marca Ispanica]]''.▼

Este condato se trobaba situato en la cuenca alta de la [[Noguera Pallaresa]], entre los mons [[Perineus]] y la redolada de [[La Pobla de Segur]], incluindo-ie la [[Vall d'Àneu]], la [[Vall de Cardós]] y la [[Vall Ferrera]], asinas como a vegatas la marguin cucha de la [[Noguera Ribagorzana]] y la [[Vall Fosca]].▼

== As primeras añadas: o dominio tolosán ==▼

Os territorios d'o condato de Pallars y d'o [[condato de Ribagorza]] fueron conqueritos a o [[Emirato de Cordoba]] en as primeras añadas d'o [[sieglo IX]] por [[Guillén I de Tolosa|Guillén I]], [[Lista de contes de Tolosa|conte]] de [[Condato de Tolosa|Tolosa]], que os incorporó a o suyo condato.▼

Asinas, Guillén I establió o [[monesterio de Santa María de Gerri]] en a val d'o [[río Noguera Pallaresa]] en [[Gerri de la Sal]] (güé a capital d'o [[municipio]] de [[Baix Pallars]], en [[Provincia de Lerida|Lerida]]), o [[monesterio de Senterada]] en a val d'o [[río Flamisell]] (güé en [[Senterada]], [[Provincia de Lerida|Lerida]]) y o [[monesterio de Santa María y San Per d'Alaón]] en [[Sopeira]] en a val d'o [[río Noguera Ribagorzana]], en a [[Ribagorza]] (güé [[Provincia de Uesca|Uesca]]). Antiparte, [[Carlomaño]] encluyó istos territorios en o [[Diozesis d'Urchel|bispato d'Urchel]].▼

En [[806]] abdicó Guillén I, que se fazió monche en o [[monesterio de San Guillén dau Desèrt]], que eba establito en l'actual departamento francés d'[[Erau]], en [[Occitania]]. Os suyos suzesors estioron en o [[condato de Tolosa]] [[Begón de París]] y dimpués [[Bernardo de Septimania]] (iste zaguer yera fillo de Guillén I).▼

== A independenzia pallaresa y ribagorzana dende meyatos d'o sieglo IX ==▼

A clase social dirichent d'os territorios ribagorzans y pallaresos refusaba o dominio tolosán, y asinas en [[833]] [[Aznar I Galíndez|Aznar Galíndez]] (que eba estato [[Lista de monarcas d'Aragón|conte]] de [[Condato d'Aragón|Aragón]] y yera [[Lista de contes d'Urchel|conte]] d'[[Condato d'Urchel|Urchel]] y [[Lista de contes de Zerdaña|conte]] de [[Condato de Zerdaña|Zerdaña]]) s'apoderó d'os condatos de Pallars y [[Condato de Ribagorza|Ribagorza]], que esdebenioron asinas independients d'o [[condato de Tolosa]] dica que en [[844]] [[Fredelón de Tolosa]] espulsó a ista linia y recuperó os condatos.▼

Sindembargo, quan en [[872]] fue asesinato o conte [[Bernardo II de Tolosa]] por estar enemigo de [[Carlos II de Francia|Carlos o Calbo]], [[Remón I de Pallars-Ribagorza|Remón]] (que seguntes belunos autors yera un siñor local, encara que yera deszendient d'a nobleza franca) aprofitó isto ta independizar os condatos a o sud d'os [[Perineus]] y ta creyar una dinastía contal propia.▼