[[Imachen:Roof in Yorkshire 01.JPG|thumb|right|250px|'''Lenastras''' d'arenisca d'un [[lenato]] en [[Anglaterra]].]]
Una '''lenastra''' u '''lenastro''' ye una [[piedra]] plana ey fina ta recubrir os [[lenato]]s. As lenastras gosan estar de [[Calsinera|piedra calsinera]] u [[arenisca]], pero en puestos de l'[[Alto Aragón]] a on se ne puede trobar, s'emplegan de [[pizarra]] perque fan menos peso.
As lenastras se quitaban tradizionalment d'as [[lenera]]s ey [[liena]]s, picando-ne os estratos més rectos ta quitar-las con a forma plana que ye tan important ta la suya funziónfunción. Quan se posan en o lenato, s'encaballetan unas con altras fendo que l'augua quan cai en sentito deszendente no puega si que brincar d'una enta l'altra eslizando-se ta fora d'o lenato per tota la baixant.
En as construzions tradizionals, as lenastras se gosaban refirmar con una gleba de [[buro]] en a base per a on contactan con o taranato de [[lastón|lastons]] u [[tola]]s sobre los que s'aguantan. En as rechions a on que as leneras no be fan si que arenisca, as lenastras més grans que se fan d'ixe material feban pesar muito os lenatos tradizionals, ey ixo condizionaba la construziónconstrución de tot l'edifizio, no só que la [[bastida]] d'o lenato, perque éste b'eba de poder aguantar muitas toneladas en alto. Per ixo, en ''As Fuebas'' d'o [[Sobrarbe]], o [[Sarrablo]] ey toz ixes lugars on a cheolochía d'o terreno no be dixa fer lenatos de pizarra, as casas grans son més robustas en tota la suya estruturaestructura que no en as balles d'o [[Perineu acsial]] que tienen pizarra.
