Dinastía Galíndez
A dinastía Galíndez u Galindo estió una dinastía a la que perteneixioron beluns d'os primers contes d'Aragón.
A dinastía prencipia con Galindo, pai d'Aznar I Galíndez, segundo conte d'Aragón, que reconquistaría a ciudat de Chaca. A suya filla Matrona Aznárez casaría con García I Galíndez que sería tercer conte d'Aragón, succediu por o suyo fillo Galindo Garcés. Dimpués d'iste parentesi en que gubernaría a dinastía Belascotenes, o condau torna a mans de Galindo I Aznárez, fillo d'Aznar I y perteneixient alavez a la dinastía Galíndez.
Aznar II Galíndez y Galindo II Aznárez serían os siguients contes d'Aragón d'ista dinastía. Iste zaguero dividiría o suyo reino entre as suyas fillas Andregoto Galíndez y Toda d'Aragón, contesa de Sobrarbe y muller de Bernardo I de Ribagorza. En casar-se Andregoto con o rei García Sánchez I de Navarra remata a dinastía Galíndez en Aragón.
Amás de contes d'Aragón, beluns d'os Galíndez tamién estioron contes d'Urchel, de Cerdanya, de Pallars y de Ribagorza.
Contes d'Aragón editar
Estioron contes d'a dinastía Galíndez:
- Aznar I Galíndez (809-820).
- Galindo I Aznárez (844-867).
- Aznar II Galíndez (867-893).
- Galindo II Aznárez (893-922).
- Andregoto Galíndez (922-925).
Atros nobles editar
Tamién perteneixioron a la dinastía Galíndez os siguients nobles:
- Matrona Aznárez, filla d'Aznar I Galíndez y contesa consort d'Aragón mientres o gubierno de García I Galíndez.
- Eilo Aznárez, fillo d'Aznar I Galíndez.
- Centulfo Aznárez, fillo d'Aznar I Galíndez.
- Sancha Aznárez, filla d'Aznar II Galíndez y muller de Muhammad al-Tawil, walí de Leida y Uesca.
- García Aznárez, fillo d'Aznar II Galíndez y conte de Commenche (805-870).
- Toda d'Aragón, filla de Galindo II Aznárez, condesa consort de Ribagorza con Unfredo Bernat.
Vinclos externos editar
- (es) Dinastías reales en Heraldaria.