Descusión:Manolo Escobar

Creigo que l'anyo de naixencia puet estar 1931, en a wiki catalana, en a espanyola, y en a inglesa tienen iste anyo, y en istas referencias tamién, [1], [2], [3], no he trobato garra referencia de l'anyo 1932. Creigo que a calendata de IMdb no ye bien. --Cembo123 (discusión) 17:53 25 set 2012 (UTC)

O problema ye que a wiki espanyola ye plagata d'errors respective d'as calendatas, que mai no tienen as suyas referencias. Quan feba articlos relacionatos con as efemerides m'en trobaba a camatons. Pero ye que amás trobaba bella vegata que ixas errors s'heban escampau enta d'atras wikis y mesmo fuera d'o mundo wikipedico, en fer-se servir en forma completament acritica o que diz a wikipedia sin mesmo mirar garra atra fuent escrita. D's fuentz que citas, a tercera ye un blog, a prmera ye una web sin autor conoixiu y a sola fuent que parixe una mica seria ye l'articlo en l'Abc, pero ista mena d'articlos gosan estar un copia-pega con o que troban en o rete. Yera buscando a veyer si trobaba una obra en fasciclos de quantas anyadas a on amanixerá una calendata, pero veigo que ye en un puesto que actualment me ye inaccesible. Prebaré de mirar maitín en una biblioteca publica a veyer si trobo una referencia seria aliena a o mundo wikipedico y en o rete, que gosa estar muit contaminau d'errors ta istas cosas. En bella enciclopedia se trobará. --Manuel Trujillo Berges (discusión) 18:14 25 set 2012 (UTC)

Pos mira, ta complicar una mica las cosas: Augusto M. Torres: Diccionario Espasa de Cine Español, Espasa-Calpe, Madrid, 1999 ISBN 84-239-9451-1 pachina 294, diz "ESCOBAR, Manolo. Manuel García Escobar (El Ejido de Dalías, Almería, 1934)". Tú mesmo. --Manuel Trujillo Berges (discusión) 18:20 25 set 2012 (UTC)

Seguntes Manuel Francisco Reina: Un siglo de copla, Ediciones B, Barcelona, 2009, ISBN 978-84-666-4259-0 pachina 246, ye naixiu en 1931. A web que citabas ye quasi un calco d'o que diz el libro. Adhibo ista referencia y saco l'anterior, --Manuel Trujillo Berges (discusión) 11:05 26 set 2012 (UTC)