Accident vascular cerebral

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Advertencia: Biquipedia no ye un consultorio medico.

Si creye que aprecisa d'aduya, por favor consulte con un profesional d'a salut.

Un accident vascular cerebral, popularment dito ataque cerebral u ictus cerebral, ye un episodio aguto d'afección d'a circulación cerebral; se produce una lesión irreversible en un territorio cerebral a causa d'a perduga d'o riego sanguinio en a zona. Se produce una brusca interrupción d'o fluxo sanguinio en o cerebro que orichina una serie de simptomas variables en función de l'aria cerebral afectata.

Accident vascular cerebral causato por una perduga de riego sanguinio asociata a l'arteria cerebral meya.

O termin presenta numerosos sinonimos: accident cerebrovascular aguto, ictus, ictus cerebral u apoplectico u apoplexia. Apoplexia, d'o griego ἀποπληξία, apoplēxia, ye un succeso subito con perduga d'a consciencia; tamién golpe u ictus apoplectico. O termin accident vascular cerebral ye una traducción de l'anglés cerebral vascular accident, denominación que en l'actualidat ye amás reconoixita por os organismos internacionals de nomenclaturas. Con tot y con ixo, en anglés o termin mas emplegato ye stroke.

Lo que esferencia l'accident vascular cerebral d'atros conceptos parellans ye a consideración d'estar un episodio aguto y d'o tipo d'afección d'as funcions d'o sistema niervoso central. A simptomatolochía varía y pende de l'aria encefalica afectata.

A simptomatolochía asociata pende d'a parti d'o cerebro afectata y puet estar: hemiparesia u hemiplechia d'o costato contrario a lo territorio cerebral afectato, alteracions sensitivas, disartria, afasia d'expresión y/u comprensión, perduga de campos visuals, incontinencia d'esfincters, vertigo, mareyos, nauseas, apraxia, entre atras.

Vinclos externos

• Se veigan as imachens de Commons sobre Accident vascular cerebral.
• (es) Grup d'Estudio de Enfermedades Cerebrovasculares Sociedad Española de Neurología.