Laco chuxtaglacial
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un laco chuxtaglacial (pronunciau /tʃustagla'cjal/, como "chustaglacial") ye un laco que s'ha formau por entibar-se l'augua d'un río por la presencia d'un glaciar[1]. Las glaciars de val pueden fer que se formen lacos de chustaposición glacial.
En los puestos a on desauguan vals secundarias en una val principal se pueden fer lacos chuxtaglacials si la val principal presenta un glaciar en lo suyo fondón. Un buen eixemplo d'esto ye lo Laco de Märjelen en los Alpes.
En los puestos a on un casquet glacial atura un curso d'augua important se pueden fer lacos de chuxtaposición glacial gran, plegando a estar d'escala rechional.
Lacos chuxtaglacials en los Pireneus editar
En la zaguera glaciación u Würm se facioron bels lacos chuxtaglacials en lo Pireneu Axial y Prepirineu interior por estar cualques vals pirenencas ocupadas por glaciars.
En la val de Sorrosal s'entibó lo río por la presencia d'una luenga de chelo y una morrena lateral en l'actual ribera de lo río Ara, formando-se amán de Linars de Broto un laco y lo deposito glacio-lacustre mes gran de tot lo Pireneu.[1]
En la Val de Benás bi ha uns depositos glacio-lacustres subindo enta l'Ampriu amán de Sarllé. Corresponde a un laco que bi heba entre la morrena lateral de lo glaciar de l'Esera y la morrena frontal de la glaciar de l'Ampriu.
Referencias editar
- ↑ 1,0 1,1 Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. pp189