Tropico de Capricorno

O tropico de Capricorno ye un paralelo d'o hemisferio sud. Ye situau a una latitut de 23º 26' 17"[1] a o sud d'o equador.

Tropico de Capricorno, marcau en royo.

Ista linia imachinaria une os puntos más meridionals en los que o Sol puet ocupar o cénit a meyodía. En o tropico de Capricorno, por tanto, os rayos solars cayen verticalment sobre tierra en l'inte en que ocurre o solsticio d'aviento, lo que ocurre entre o 21 y o 22 d'aviento, calendata y hora dadas en tablas astronomicas en horario de tiempo universal coordinau (UTC).

O tropico de Capricorno sinyala a muga meridional d'a dita zona intertropical, comprendida entre os tropicos de Capricorno y Cancro. Se'n diz «de Capricorno» porque en l'Antigüidat clasica, quan se produciba o solsticio de verano en o hemisferio sud, o Sol yera en a constelación de Capricorno. En l'actualidad ye en a constelación de Sachitario, pero o nombre tropico de Capricorno contina estando acceptau por tradición.

ReferenciasEditar