Tibalt II de Navarra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tibalt II de Navarra | |
|---|---|
| Rei de Navarra | |
 | |
| 1253-1270 | |
| Predecesor | Tibalt I de Navarra |
| Succesor | Henrique I de Navarra |
| Predecesor | Tibalt IV de Campanya |
| Succesor | Henrique III de Campanya |
| Naixencia | 1238 |
| Muerte | 4 d'aviento de 1270 Tràpani (Sicilia)
|
| Pai | Tibalt I de Navarra |
| Mai | Margalida de Borbón-Dampierre |
Tibalt II de Navarra (u Tibalt V de Campanya), naixito en 1238 y muerto en Tràpani (Sicilia) o 4 d'aviento de 1270, estió rei de Navarra, conte de Campanya (con o nombre de Tibalt V de Campanya) y conte de Bria, toz dende 1253 dica 1270.
Orichens familiars editar
Tibalt II de Navarra yera fillo de Tibalt I de Navarra y d'a suya tercera muller, Margalida de Borbón-Dampierre, filla d'Archambaud VIII, sinyor de Borbón.
Actividaz editar
Heredó a cadiera reyal d'o reino de Navarra con 14 anyadas, dimpués d'a muerte de su pai, Tibalt I, con a rechencia d'a suya mai, Margalida de Borbón-Dampierre, y con a tutela de Chaime I, rei d'Aragón.
O 27 de noviembre de 1251 churó os Fueros de Navarra, y s'enfrontinó con a nobleza de Navarra, aduyato por a burguesía. Asinas, se coronó con as ceremonias francesas, con aduya d'o Papa Aleixandre IV. Confirmó y concedió fueros locals y privilechios fendo servir o navarro-aragonés en os textos oficials.[1]
O 6 d'abril de 1255 casó con Isabel de Francia, filla de Loís IX de Francia y de Margalida de Provenza. A suya politica exterior yera favorable a la politica francesa, encara que mas limitada por a suya muga con Castiella y Navarra. Asinas, aconseguió l'1 de chinero de 1256 a cesión por Castiella, mientres él vivise, d'os puertos de Fontarrabia y Sant Sabastián ta as exportacions d'o reino nabarro.
En chulio de 1270 prenió parte con o suyo suegro en una Cruzata ta Túniz, a on morió o suyo suegro, Loís IX de Francia. En tornar ta Francia, Tibalt morió en Tràpani (Sicilia) o 4 d'aviento d'ixa anyada, antis de plegar ta Francia.
Dimpués d'a suya muerte, li sucedió en os suyos títols o suyo chirmán, Henrique.
Matrimonios y fillos editar
Tibalt II no tenió fillos d'o suyo unico matrimonio con Isabel de Francia, filla de Loís IX de Francia.
| Predecesor: Tibalt I o Trobador |
Rei de Navarra 1253 - 1270 |
Succesor: Henrique I de Navarra |
| Predecesor: Tibalt IV de Campanya |
Conte de Campanya 1253 - 1270 |
Succesor: Henrique III de Campanya |
| Predecesor: Tibalt IV de Campanya |
Conte de Bria 1253 - 1270 |
Succesor: Henrique III de Campanya |