The Russia House (cinta)
- Iste articlo ye sobrs una cinta estausunidense de cine d'espionache estrenada en 1990; ta atros usos, se veiga The Russia House.
The Russia House (títol orichinal en anglés, en aragonés A casa Rusia. estrenada en Aragón con o suyo títol traduciu enta lo castellano como La casa Rusia) ye una cinta de cine estausunidense de cine d'espionache dramatico y romantico estrenada l'anyo 1990, dirichida por Fred Schepisi seguntes un guión adaptau por Tom Stoppard (basau en a novela que heba publicau The Russia House en l'anyo 1989), con una dirección de fotografía d'Ian Baker, una banda sonora orichinal de Jerry Goldsmith y una producción cinematografica de Paul Maslansky y Fred Schepisi ta las productoras Metro-Goldwyn-Mayer y Pathé Entertainment. Fan parte de l'elenco d'actors d'a cinta, entre d'atros, Sean Connery, Michelle Pfeiffer, Roy Scheider, James Fox, John Mahoney, Michael Kitchen, J. T. Walsh, Ken Russell, David Threlfall, Klaus Maria Brandauer, Mac McDonald, Nicholas Woodeson, Martin Clunes, Ian McNeice y Colin Stinton.
Bartholomew "Barley" Scott-Blair ye lo director d'una editorial britanica que mientres un viache en Moscú conoix a un grupo d'escritors. En a trobada con éls, afirma que ye lo emento de rematar as tensions d'a Unión Sovietica con os países occidentals y troba la comprensión d'un d'éls, clamau Dante. Tiempo dimpues, una choven rusa, Katya Orlova, entrega en una feria comercial un manuscrito a un atro editor con a petición de que l'entregue a la suya vegada a Barley y cuan iste lo leye veye que detalla las capacidaz sovieticas de fer una guerra nucleyar. Barley entrega lo manuscrito a las autoridaz britanicas , que descubren que l'autor d'o manuscrito ye Yakov Efraimovich Saveleyev, un famoso fisico sovietico. Barley marcha de vacanzas enta Lisbona y achents britanicos lo siguen ta interrogar-lo, descubrindo que sabe tan poco como éls. Lo MI6 y la Central Intelligence Agency li fan un entrenamiento basico d'espionache y lo fan tornar en a Unión Sovietica ta explorar contactos con Dante y comprobar a suya veracidat. Cuan plega en a Uión Sovietica conoix a Katya y s'enamora d'ella. A lo suyo traviés confirma la seriedat d'as informacions de Dante y tien una trobada con él, que se preocuoa en conoixer que lo suyo manuscrito ye en mans d'as achencias d'intelichencia occidentals. En un segundo viache, Barley entrega las peticions d'os occidentals a cambio de l'autorización ta que Katya y la suya familia marchen librement d'a Unión Sovietica, encara que l'amagan a las autoridaz occidentals.
A cinta s'ambienta en a suya epoca actual (1990) en Londres (Reino Uniu), Moscú (Unión Sovietica) y Lisbona (Portugal), y las suyas escenas se filmoron en Bowen Island y Vancouver (Columbia Britanica) en Canadá, en Lisbona en Portugal, en Londres y Westminster (Gran Londres) en o Reino Uniu y en Moscú y Sant Petersburgo en l'actual Rusia, amás d'en os Pinewood Studios en Iver (Buckinghamshire) en o Reino Uniu.[2]
Se tracta d'una cinta que ha recibiu bels premios y nominacions, en destacando una nominación a los Premios Globos d'Oro (Millor Actriz Dramatica) en a suya Premios Globos d'Oro.
| Actor | Papel | Notas |
|---|---|---|
| ' |
Se veiga tamién
editarReferencias
editarVinclos externos
editar- (en) The Russia House en Internet Movie Database.
- (en) The Russia House en TCM Movie.
- (en) The Russia House en l'American Film Institute Catalog de l'American Film Institute.
- (en) The Russia House en Box Office Mojo.
- (en) The Russia House en Rotten Tomatoes.
Datos: Q586154
