The Omen
- Iste articlo ye sobre una cinta anglo-esteusunidense de cine de terror enguerada en 1976; ta atros usos, se veiga The Omen (desambigación).
.svg){kind=small}
The Omen (títol orichinal en anglés, en aragonés O presachio, enguerada en Aragón con o títol en castellano de La profecía, en aragonés A profecía) ye una cinta de cine de terror coproducida por o cine britanico y lo cine estausunidense enguerada l'anyo 1976, dirichida por Richard Donner seguntes un guión orichinal de David Seltzer, con una banda sonora orichinal de Jerry Goldsmith, una dirección de fotografía de Gilbert Taylor, una producción cinematografica de Harvey Bernhard ta la productora cinematografica Mace Neufeld Productions y con un elenco formau por, entre d'atros actors, Gregory Peck, Lee Remick, David Warner, Billie Whitelaw, Harvey Spencer Stephens, Patrick Troughton, Martin Benson, Leo McKern, Robert Rietti, John Stride, Anthony Nicholls, Holly Palance, Roy Boyd, Freda Dowie, Sheila Raynor, Bruce Boa, Don Fellows, Patrick McAlinney, Betty McDowall y Nicholas Campbell.
Robert Thorn ye un diplomatico estausunidense destinau en Roma, casau con Katherine. Cuan lis nace un nino, lis dicen que ha muerto en naixer, y Robert decido substituyir a lo nino falleixiu por un atro nino, Damien, sin que la mai sepa cosa. Anyos dimpués, Robert ye l'embaixador d'o suyo país en Londres y prencipian a escayecer fenomenos inquietants arredol d'o suyo fillo. Mosén Brennan l'advierte sobre los oríchens de Damien, insinuando-le que no ye humano so que fillo d'o Diaple. Tamién li diz que su esposa torna a estar embarazada pero que Damien matará a lo nino y tamién a sus pais. Bien luego, mosén Brennan muere en una forma bien estrania. Dimpués, Katherine diz wque quiere abortar y, en negar-se Robert, Damien la fa estarnicar-se por as escalas y provoca un aborto espontanio. Keith Jennings, un fotografo, tamién contacta con Robert en trobar tamién cosas estranias en bellas fotografías que ha tomau y finalment deciden investigar. Troban que la presunta mai de Damien, que en teoría heba muerto, no existe, y troban un escleto d'un nino con o cranio destrozau, sacando la entrega de que ye lo verdadero fillo de Robert y Katherine, a qui heban matau en naixer. Contactan con un exorcista, qui les explica cómo han de matar a lo nino, encara que Robert se resiste.
A cinta s'ambienta en os anyos 1970 en Roma y atros puestos d'Italia, en Londres y atros puestos d'o Reino Uniu, en Cherusalem en Palestina y en os Estaus Unius, y las suyas escenas se filmoron en Guildford, Longcross, Ripley, Staines-upon-Thames, Shepperton y Woking (Surrey), Bracknell y Windsor (Berkshire) y Harrow y Londres (Gran Londres) en o Reino Uniu, en Cherusalem en Palestina y en Roma (Lazio) en Italia.[2]
The Omen ye una cinta que ha recibiu cuantos premios y nominacions, en destacando un Premio Oscar a la Millor Banda Sonora Orichinal y una nominación a la Millor Canción Orichinal en a suya 49ena edición, una nominación a lo Premio BAFTA en a suya 30ena edición y una nominación a lo Premio Globo d'Oro a la Millor Estrela Emerchent Masculina.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 (en) Enguero de The Omen en Internet Movie Database.
- ↑ (en) Localizacions de The Omen en Internet Movie Database.
- ↑ (en) The Omen en Internet Movie Database.
Vinclos externos
editar- (en) The Omen en Internet Movie Database.
- (en) The Omen en TCM Movie.
- (en) The Omen en AllMovie.
- (en) The Omen en l'American Film Institute Catalog de l'American Film Institute.
- (en) The Omen en Box Office Mojo.
- (en) The Omen en Rotten Tomatoes.
Datos: Q836298
