The Naked Prey
.svg){kind=small}
The Naked Prey (títol orichinal en anglés, en aragonés A presa nuda, enguerada en Aragón con o suyo títol traduciu enta lo castellano como La presa desnuda) ye una cinta de cine d'aventuras enguerada l'anyo 1966 coproducida por o cine estausunidense y lo cine sudafricano, dirichida por Cornel Wilde seguntes un guión orichinal de Clint Johnston y Don Peters, con una banda sonora orichinal d'Edwin Astley, Andrew Tracey y Cornel Wilde, una dirección de fotografía de H.A.R. Thomson, una producción cinematografica de Cornel Wilde y Sven Persson ta las productoras cinematograficas Sven Persson Films y Theodora Productions y un elenco que se composa de Cornel Wilde, Ken Gampu, Patrick Mynhardt, Bella Randels y Gert van den Bergh, entre d'atros actors.
Mientres o sieglo XIX en l'actual Sudafrica un guía profesional de safaris conduz a un grupo liderau por un arrogant y cabalero financiero, prencipiando bien luego a tener bels problemas con él. Cuan plegan en a muga d'os territorios d'una tribu, istos lis demanan bel regalo, pero lo financiero, desudindo lo consello d'o guía, se niega y amás aparta violentament a lo chefe s'a tribu. Tanimientres, en primeras o se produz garra reacción y la tribu permite a lo grupo seguir con o suyo camín. Bien luego, sindembargo, los ataca la tribu y captura a tot o grupo. En a plegar en o poblau prencipal d'a tribu, bien luego los europeus son torturaus y asasinaus, pero dimpués de matar-los a toz, a lo guía se li ordena correr. O chuego consiste en que se li permite fuyir y la persecución contina cuan una flecha lanzada por un miembro d'a tribu plega en o suelo. O guía consigue matar a lo suyo primer perseguidor, pero immediatament un segundo lo persigue y asinas de contino. En a suya fuyida, troba que un grupo de cazadors d'esclavos atacan una aldeya y interviene, salvando a bels presoneros, entre éls a una nina, que l'aduya cuan ye feriu. Lo suyo obchectivo en fuyir ye tornar en o fuerte dende partió la expedición, a on trobará la protección d'os soldaus.
A cinta s'ambienta en o sieglo XIX en Sudafrica, y las suyas escenas se filmoron en o Parque Nacional Kruger y en Sibasa (provincia de Limpopo) en Sudafrica, amás d'en Zimbabwe y Botsuana.[2]
The Naked Prey recibió una nominación a los Premios Oscar en a suya 39ena edición (Millor Guión Orichinal), pero qui finalment la cinta que consiguió lo premio estió A Man and a Woman, con guión de Claude Lelouch y Pierre Uytterhoeven sobre una historia de Claude Lelouch.
| Actor | Papel | Notas |
|---|---|---|
| [[]] | ' |
Se veiga tamién
editarReferencias
editar- ↑ 1,0 1,1 1,2 (en) Enguero de The Naked Prey en Internet Movie Database.
- ↑ (en) Localizacions de The Naked Prey en Internet Movie Database.
- ↑ (en) The Naked Prey en Internet Movie Database.
Vinclos externos
editar- (en) The Naked Prey en Internet Movie Database.
- (en) The Naked Prey en Rotten Tomatoes.
Datos: Q1197542
