Teofilo de Bizancio

(Reendrezau dende Teofilo (emperador))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Teofilo
Emperador de l'Imperio Bizantín


829 - 842
Predecesor Miguel II
Succesor Teodora II

Naixencia 813
Muerte 20 de chinero de 842
Consort Teodora II
Dinastía Dinastía frichia
Pai Miguel II
Mai Tecla de Bizancio

Teofilo estió emperador de l'Imperio Bizantín dende o 2 d'octubre de 829 dica o 20 de chinero de 842. Ye naixito en 813 y morió o 20 de chinero de 842. En o "Libro d'os Emperadors" li dedican os capítols: Del imperio de teófilo, fillo de Micali emperador e Del emperador Teófilo.

Baixo o suyo mandato l'imperio prenió o control d'o sud de Crimea, y a primerías d'a decada de l'anyo 830 fue establito oficialment o thema Chersōnos u thema de Khersón con o territorio crimeu baixo control bizantín.

En l'anyo 838 querió impresionar a lo Califa de Bagdad sobre la riqueza de l'Imperio Bizantín y lis ninvió a Chuan o Gramatico pa que actuase:

Os musulmans abanzaban en Sicilia, y o gubierno bizantín no podeba fer res, porque habioron de concentrar as suyas fuerzas en una guerra en a muga de Levant a causa d'a presencia de bels refuchiatos persas que yeran oposatos a los califas de Bagdad. Uno d'estos refuchiatos estió Teofovo, que emparentó con a familia imperial:

En aquel tiempo los árabes, corrientes algunas terras de Grecia a do el emperador fue personalment con grant poder e haviendo en su companyía dos hombres valerosos, Teóforo (*Teófovo) e Manuel... Mas Manuel era conoixido de todos los infieles e de los otros, que ya en el tempo del emperador Micali era senescal de la huest imperial. Mas Teoforo (*Teófovo) era de linatge de Persia e avallá de generación imperial. Aquel linatge de Persia es venido a menos (la senyoría de Persia e los avallantes de aquel linatge). Aquesti Teófovo fue nodrido chico en Contastinoble, no sabiendo ninguno que fues de linatge imperial. Mas aprés, tanto fue buscado por los senyoríos si havía romanido alguno del dito linatge que sabieron que a Contastinoble ne havía uno qui venía de aquel linatge; por que el dito Teóforo (*Teófovo), conocido de las personas, huvo conocencia del emperador e fue feito su parient e priso por muller una ermana del emperador.

L'exercito bizantín tenió uns cuantos exitos a lo principio. En l'anyo 837 prenió y destruyó Samosata y Zapetra (a ciudat de naixencia d'o califa al-Mu'tasim).

O califa se vengó d'a ofensa aplegando un gran exercito, que derrotó en Dasymon a Teofilo, (que dirichiba personalment a l'exercito). Una división de l'exercito d'o califa abanzó dica Amorium (a cuna d'a dinastía Frichia). Dimpués d'una fura resistencia de cincuanta y cinco días, a ciudat cayó a causa d'una tradición interna o 23 de septiembre de l'anyo 838. 30.000 d'os suyos habitants fuoron executatos y o resto fuoron venditos como esclavos. A ciudat fue arrasata dica os suyos alacez.

Referencias editar


Predecesor:
Miguel II
Emperador de l'Imperio Bizantín
829-842
Succesor:
Teodora