Tauro
| Tauro | ||
|---|---|---|
| ||
| Abreviadura: | Tau | |
| Simbolo: | 
| |
| Nombre en latín: | Taurus | |
| Chenitivo: | Tauri | |
| Significato: | o toro | |
| Ascensión recta: | 4 h | |
| Declinación: | 15° | |
| Vistero ta latitutz: | entre -65° y +90°° | |
| Millor visibilidat: | en chinero | |
| Estrelas con m.a. < 3: |
3 | |
| Estrela mas luminosa: | Aldebarán (α Tau) | |
| - Magnitut aparent: | 0.9 | |
| Plevia de meteoritos: |
Tauridas Tauridas Beta | |
| Constelacions mugants: |
Auriga Perseu (Perseus) Aries Ballena (Cetus) Eridano (Eridanus) Orión (Orion) Cheminucos (Gemini) | |
Tauro (o aragonés toro) ye una d'as constelacions d'o zodiaco, situata entre a constelación de Aries a l'Ueste y a de Cheminucos a l'Este. A lo Norte se troban Perseu y Auriga, a lo Sudueste Orión y a lo Sudeste Eridano y Ballena.
CaracteristicasEditar
En o centro d'ista constelación, se i troba una d'as pocas estrelas de primer magnitut d'o cielo, a luminosa y roya Aldebarán. Os cuernos d'o toro s'estendillan enta l'Ueste, formatos per Elnath (Beta Tauri, compartito tradicionalment con Auriga) y Zeta Tauri.
ObchectosEditar
A l'Este d'a constelación, bi ye un d'os carrazos estelars ubiertos más conoixitos, vistero a simple uello: as Crapetas.
Dezaga d'Aldebarán, bi son as Iadas, o carrazo estelar ubierto más amanato, que farchan en chunto a V en o zielo que constituye a capeza d'o toro.
Unaltro obchecto, visible que per telescopio, ye a Nebulosa d'o Cangrillo (M1), resto d'una supernova a lo Nordeste de Zeta. A explosión, vista en a Tierra lo 4 de chulio de 1054, estió prou luminosa ta alufrar-se de días, y ne fan mención bells textos d'historia chineses y obchectos de ceramica d'os pueblos nativos d'America.
MitolochíaEditar
En a mitolochía griega, s'identifica con a forma de toro que adoptó Zeus ta conquerir a Europa, una mitica princesa fenicia. Tamién s'asocía con o Minotauro. Devez, quan o Sol recorre o zodiaco, ha d'esnabesar a faixa d'o cielo conoixita como lo Mar ta plegar en Tauro, o que constituye l'orichen d'o mito d'o Toro de Creta, a cazata d'o qual estió un d'os dotze treballos d'Heracles.
AstrolochíaEditar
En l'astrolochía occidental, o sino de Tauro (20 d'abril-20 de mayo) ye asociato con o elemento tierra; ye, pues, un d'os tres signos de tierra, chunto con Virgo y Capricornio. En Tauro tien o suyo domicilio Venus y a suya exaltación a Luna. Ye un d'os quatre signos fixos, chunto con Leo, Escorpio y Aqüario. O suyo oposato ye Escorpio. D'entre as partis d'o cuerpo, Tauro gubierna o cuello y os huembros.
As qualidatz que os astrologos acostumbran a acumular-li son os d'un caracter practico, pacient, leyal y sensual, devez que materialista, tozoludo, posesivo y coflón.
Tauro en fuents aragonesasEditar
Se puet leyer Taurus en o "Libro d'el Trasoro":