Tartaros
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tartaros татарлар | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||
|
| ||||||||||||||||||
| ||||||||||||||||||
| Tartaro | ||||||||||||||||||
| Islam | ||||||||||||||||||
 Arias habitatas por comunidaz tartaras | ||||||||||||||||||
Tartaro[1] (en tartaro татарлар) ye o nombre común que se da a bels pueblos de luenga turquica de Siberia y Europa Oriental.
Etimolochía y significato editar
O nombre tien un caracter ambigo, no s'aplica a toz os pueblos de luenga turquica, pero bels pueblos de luenga turquica que huei no son ditos tartaros lo yeran dica fa poco. Por atra parte con o termin tartaro s'ha dito tamién a los pueblos mongols en cheneral y en l'Imperio Ruso a os musulmans en cheneral.
Pareix que lo nombre derive en parte de Ta-ta u Dada, un pueblo mongol que habitaba lo norueste de l'actual Mongolia en o sieglo V. S'emplegó por primera vegata pa describir a los pueblos que dominoron parz d'Asia y Europa dende Chenguis Khan. Dimpués lo termin s'estendilló pa incluir a cualsiquier invasor nomada d'orichen asiatico, tanto de Mongolia como d'Asia Occidental.
En aragonés lis dicen tartaros en o Libro de Marco Polo, y en a versión A d'as Cronicas d'os Chudeces de Teruel:
pero los dicen tartaros en as atras versions d'as Cronicas d'os Chudeces de Teruel u Efemerides turolenses, lo cual mos fa pensar que existió una alternancia tartaro/tartro como sepulcre/sepulcro u cuatre/cuatro, u talment que a espardidura d'a traducción d'o Libro de Marco Polo cheneralizó a conoixencia d'a forma tartaro, que por atra part yera usual en catalán medieval, luenga que podió estar transmisora d'este etnonimo oriental, igual que a denominación "vin grec" ("vin griego"), referindo-se a la "malvasía".
Antes d'a decada de 1920 os rusos feban servir a palabra Tatar pa dicir lumerosos pueblos, dende os azerins dica a bellas tribus de Siberia. Dimpués o termin s'ha restrinchito a bels grupos etnicos como por eixemplo os tartaros de Kazán y Siberia que charran una luenga turquica d'o grupo quipchac (como os cazacos, kirguizes y nogais), os tartaros de Crimea, que en charran una d'a mesma branca que o turco d'Anatolia, y os tartaros de Lituania, Polonia y Belarrusia aislatos de tot respecto a los atros.
Os diferents pueblos tartaros, dimpués d'estar chusmesos a los rusos, han desembolicato tendencias nacionalistas como o panturquismo, manimenos os tartaros de Crimea gosan considerar-se a parte d'os atros pueblos tartaros grans, unificatos por a gran diaspora d'os tartaros de Kazán en Siberia.
Lista de comunidaz tartaras editar
- Tartaros de Siberia
- Tartaros de Astrakhán
- Tartaros d'a Volga-Ural
- Tartaros de Kazán
- Tartaros de Casim u Riazán
- Mixars
- Diaspora tartara en tot o mundo, en especial Asia.
- Tartaros de Crimea
- Tartaros de l'antiga Unión Polaco-Lituana
Os tartaros de Crimea u atras d'atras zonas refuchiatos en a Turquía moderna recibiban o nombre de Muchatchirs (como atras minorias musulmanas d'orichen europeu refuchiatas tals como os bosnios u os pomacos), y s'han ito asimilando a los turcos d'Anatolia.
Personaches famosos tartaros u con orichens tartaros editar
- Marat Kabaev
- Galima Shugurova
- Shihabetdin Marcani
- Pyotr Gavrilov
- Gabdulkhay Akhatov
- Ruslan Chagaev
- Dinara Safina
- Gabdulla Tuqay
- Timati
- Dinara Gimatova
- Aliya Garaeva
- Diniyar Bilyaletdinov
- Rudolf Nureyev, bailarín ruso
- Alsou, cantaira ruso
- Zemfira, cantaira rusa
- Marat Safin, chugador de tenis ruso
- Raschid Nurgalijew, ministro d'interior ruso
- Rinat Dasaew, futbolista ruso
- Tschulpan Chamatowa, actriz rusa
- Rinat Achmetow, oligarca ucrainés
- Musa Cälil, poeta
- Charles Bronson, actor estausunidense, que fació bels papers d'indio u mestizo por los rasgos mongoloides que tienen bels tartaros
- Elvira Nabiullina, ministra rusa
- Rashid Sunyaev, astrofisico ruso
- Roald Sagdeev, fisico ruso
Referencias editar
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.