Sufixo -allo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -allo ye un sufixo que se fa servir de deverbativo, podendo prener tamién un matiz peyorativo.

Deriva d'a terminación latina -ACULUM y ye común con o galaicoportugués, luenga que n'esta caracteristica conserva a forma proto-iberorromanz. Ye o equivalent etimolochico d'o catalán -all, d'o francés -ail y d'o castellano -ajo.

Palabras que tienen en aragonés a terminación -allo son: batallo, breballo/berballo, cascallo, colgallo, cremallo, criallo, chirigallo/ceringallo, encensallo, escarcallo, escopallo, gargallo, ligallo, regallo.

Belunas las ha ampradas o castellano cheneral pa termins que u no existiban u no s'emplegaban guaire en a Meseta como a mata dita sisallo y a tecnica de pescar dita tresmallo, d'a mesma traza que o castellano ha amprau o nombre de peix rodaballo dende o gallego.