Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sistema limfatico u sistema circulatorio limfatico ye un sistema de conductos formau por os capilars limfaticos, os vasos limfaticos, os ganglios limfaticos y os cullidors terminals, conductos por a on circula a limfa. O sistema limfatico tien como funcion cheneral recullir lo plasma intersticial y fer-lo arribar a las venas. Tamién reculle acidos grasos en as vellosidaz estentinals pa levar-los a venas de calibre gran que no se i puedan bozar y participa en a defensa de l'organismo por tener limfocitos.

Esquema d'o sistema limfatico humán.

Os capilars limfaticos son feitos d'endotelio, son ixemenaus por tot o cuerpo y tienen un cabo ciego.

Os vasos limfaticos tienen un aspecto externo de rosario, pero histolochicament son pareixius a las venas, presentando tamién en o suyo interior valvulas semilunars. Os vasos quiliferos son vasos limfaticos que bi ha adintro d'as vellosidaz estentinals.

Os ganglios limfaticos son ixamplamientos redondos que se fan en meyo d'os vasos limfaticos y tienen relación con a formación de limfocitos, participando en a defensa de l'organismo. Cualques ganglios pueden recibir a denominación d'andaderas en aragonés.

Os cullidors terminals son os vasos limfaticos mes grans, recullen a limfa d'atros vasos limfaticos y la abocan a las venas. Son cullidors terminals o conducto toracico y a gran vena limfatica.

A limfa circula por o sistema limfatico d'una traza pareixida a la sangre por as venas. Os musclos aprietan y exprimen os vasos limfaticos enta un solo sentiu. La limfa no i puet recular porque bi ha valvulas que no deixan. Os vasos limfaticos se tornan a plenar con o plasma intersticial que os capilars limfaticos recullen a traviés d'a capa d'endotelio.

Veyer tamién editar